ମୁମ୍ଵାଇ : ଭାରତରେ ସବୁଠାରୁ ଅଧିକ ଆୟ କରିଥିବା ହଲିଉଡ୍ ଫିଲ୍ମ ଅବତାର: ୱେ ଅଫ୍ ୱାଟର । ଜେମ୍ସ କ୍ୟାମେରନ୍ଙ୍କ ନିର୍ଦ୍ଦେଶିତ ଏହି ଫିଲ୍ମଟି ଆଭେଞ୍ଜର ଏଣ୍ଡଗେମର ଲାଇଫ ଟାଇମ କଲେକସନ୍କୁ ଅତିକ୍ରମ କରିଛି । ବର୍ତ୍ତମାନ ପର୍ଯ୍ୟନ୍ତ ଅବତାର ୨ର ନେଟ୍ ବକ୍ସ ଅଫିସ୍ ସଂଗ୍ରହ ହେଉଛି ୩୬୮.୨୦ କୋଟି ଟଙ୍କା । ଆଭେଞ୍ଜର ଏଣ୍ଡଗେମ୍ ବିଷୟରେ କହିବାକୁ ଗଲେ ଏହି ଚଳଚ୍ଚିତ୍ରଟି ଲାଇଫ ଟାଇମ୍ କଲେକସ ୩୬୭ କରିଛି ।
ଅବତାରର ବକ୍ସ ଅଫିସ୍ କଲେକସନ୍ ବିଷୟରେ କହିବାକୁ ଗଲେ ସୂଚନା ଦେଇଥିବା ବାଣିଜ୍ୟ ବିଶ୍ଲେଷକ ତରନ ଆଦର୍ଶ ଶନିବାର ଏକ ଟ୍ଵିଟ୍ରେ କହିଛନ୍ତି ଅବତାର-୨ ବଡ ଇତିହାସ ସୃଷ୍ଟି କରିଛି। ଆଭେଞ୍ଜର ଏଣ୍ଡଗେମର ଆଜୀବନ ବ୍ୟବସାୟକୁ ଅତିକ୍ରମ କରି ଏହା ଭାରତରେ ସର୍ବାଧିକ ଆୟ କରିଥିବା ହଲିଉଡ ଚଳଚ୍ଚିତ୍ର ପରିଚିତ ହୋଇଛି । ଅବତାର ୨: ୩୬୮.୨୦ କୋଟି ଟଙ୍କା । ସେ ଏହା ମଧ୍ୟ କହିଛନ୍ତି ଯେ ଅବତାର ୨ ପ୍ରଥମ ସପ୍ତାହରେ ୧୮୨.୯୦ କୋଟି ଟଙ୍କା ବ୍ୟବସାୟ କରିଛି। ଦ୍ୱିତୀୟ ସପ୍ତାହରେ ୯୮.୪୯ କୋଟି, ତୃତୀୟ ସପ୍ତାହରେ ୫୪.୫୩ କୋଟି, ଚତୁର୍ଥ ସପ୍ତାହରେ ୨୧.୫୩ କୋଟି, ୫ ସପ୍ତାହରେ ୯.୪୫, , ଷଷ୍ଠ ସପ୍ତାହରେ ୧.୩୦ କୋଟି । ଏହା ଭାରତରେ ମୋଟ ୩୬୮.୨୦ କୋଟି ଟଙ୍କାର ଆୟ କରିଛି ।
