ୟୁକ୍ରେନର ଜାପୋରିଜିଆ ସହର ଉପରେ ରୁଷର ରକେଟ୍ ମାଡ଼, ୧୭ ମୃତ

କିଭ୍ : ଥମୁନି ରୁଷ-ୟୁକ୍ରେନ ଯୁଧ୍ୟ । ଏହାରି ମଧ୍ୟରେ ୟୁକ୍ରେନର ଜାପୋରିଜିଆ ସହରର ଏକ ଆପାର୍ଟମେଣ୍ଟ ଉପରେ ରୁଷର ରକେଟ୍ ମାଡ଼ ଯୋଗୁଁ ୧୭ ଜଣ ଲୋକଙ୍କ ମୃତ୍ୟୁ ହୋଇଛି। ୟୁକ୍ରେନର ଜଣେ ବରିଷ୍ଠ ଅଧିକାରୀ ଏହି ସୂଚନା ଦେଇଛନ୍ତି।

ନଗର ପରିଷଦ ସଚିବ ଅନାଟୋଲି କୁର୍ତ୍ତାଏଭ କହିଛନ୍ତି ଯେ ଗତ ଶନିବାର ରାତିରେ ସହର ଉପରେ ରକେଟ୍ ମାଡ଼ ହୋଇଥିଲା । ଏଥି ଯୋଗୁଁ ଅତି କମରେ ପାଞ୍ଚଟି ଘର ନଷ୍ଟ ହୋଇଯାଇଥିବା ବେଳେ ପ୍ରାୟ ଅନ୍ୟ ୪୦ ଜଣଙ୍କର କ୍ଷତି ହୋଇଛି । ୟୁକ୍ରେନ ସୈନ୍ୟବାହିନୀ ମଧ୍ୟ ଏହି ଆକ୍ରମଣ ସମ୍ପର୍କରେ ନିଶ୍ଚିତ କରି କହିଛି ଯେ ରୁଷର ରକେଟ୍ ମାଡ଼ ଯୋଗୁଁ ଜାପୋରିଜିଆ ସହରରେ ବହୁ ଲୋକ ଆହତ ହୋଇଛନ୍ତି।

ସୂଚନା ଯେ, ପୂର୍ବରୁ ଶନିବାର ରୁଷକୂ ସଂଯୋଗ କରୁଥିବା କ୍ରିମିଆ ଦ୍ୱୀପପୁଞ୍ଜର ଏକ ବ୍ରିଜ ଉପରେ ବିସ୍ଫୋରଣ ହୋଇଥିଲା । ଏହି କାରଣରୁ ଏହି ବ୍ରିଜଟି ଆଂଶିକ ଭୁଶୁଡି ପଡିଥିଲା। ଏହି ବ୍ରିଜ୍ ଦେଇ ରୁଷ ଦକ୍ଷିଣ ୟୁକ୍ରେନରେ ଯୁଦ୍ଧ ପାଇଁ ସାମରିକ ଉପକରଣ ପଠାଏ । ସେହିପରି ଗତ ସପ୍ତାହରେ ଜାପୋରିଜିଆକୁ ବାରମ୍ବାର ଟାର୍ଗେଟ କରାଯାଇଛି। ଏହା ୟୁକ୍ରେନ ନିୟନ୍ତ୍ରିତ ଅଞ୍ଚଳ ମଧ୍ୟରେ ଆସୁଛି, ଯାହା ରୁଷ ଗତ ସପ୍ତାହରେ ଦଖଲ କରିଥିଲା | ଏହି ଅଞ୍ଚଳର ଏକ ଅଂଶ ବର୍ତ୍ତମାନ ରୁଷ୍ ଅଧୀନରେ ଅଛି | ୟୁରୋପର ବୃହତ୍ତମ ବିଦ୍ୟୁତ୍ କେନ୍ଦ୍ର ବୋଲି କୁହାଯାଉଥିବା ଜାପୋରିଜିଆ ଆଣବିକ ବିଦ୍ୟୁତ୍ କେନ୍ଦ୍ର ଏଠାରେ ଅବସ୍ଥିତ ।