ଭୁବନେଶ୍ୱର : ଦିବଂଗତ ମନ୍ତ୍ରୀ ନବ ଦାସଙ୍କ ହତ୍ୟାକୁ ୧୩ ଦିନ ପୁରିଲାଣି । ମାରାଥନ ଜେରା ପରେ ମଧ୍ୟ ହତ୍ୟାକାଣ୍ଡର ରହସ୍ୟ କ୍ରାଇମବ୍ରାଞ୍ଚ ଭେଦ କରିପାରି ନାହିଁ । ବିଭିନ୍ନ ଦିଗରୁ ଯାଞ୍ଚ କରାଯାଉଛି । ଏହି ପରିପ୍ରେକ୍ଷୀରେ ଆଜି ଅଭିଯୁକ୍ତ ଗୋପାଳ ଦାସ ଠାରୁ ସତ ବାହାର କରିବା ପାଇଁ ହେବ ନାର୍କୋ ଟେଷ୍ଟ । ଗୁଜରାଟ ଗାନ୍ଧୀନଗର ସ୍ଥିତ ଡିଏଫ୍ଏସରେ ହେବ ଏହି ପରୀକ୍ଷା । ଏହା ପୂର୍ବରୁ ଗତ ଗୁରୁବାର ତାଙ୍କର ପଲିଗ୍ରାଫ ଟେଷ୍ଟ ହୋଇଥିଲା ।
ଅଭିଯୁକ୍ତ ଗୋପାଳ ଦାସ ଠାରୁ ସତ ବାହାର କରିବା ପାଇଁ ନାର୍କୋ ଟେଷ୍ଟକୁ ଭରସା କରିଛି କ୍ରାଇମବ୍ରାଞ୍ଚ। ଅଭିଯୁକ୍ତ ଗୋପାଳ କାହିଁକି ନବ ଦାସଙ୍କୁ ଗୁଳି ମାରିଲେ, ତାହା ଏବେବି ରହସ୍ୟ ହୋଇରହିଯାଇଛି । ତେଣୁ ସତ ବାହାର କରିବା ପାଇଁ ଗୋପାଳଙ୍କ ନାର୍କୋ ଟେଷ୍ଟ କରିବାକୁ ଗୁଜରାଟ ଗାନ୍ଧୀନଗର ସ୍ଥିତ ଡିଏଫ୍ଏସକୁ ନିଆଯାଇଛି । ଆଶା କରାଯାଉଛି, ଏହି ପରୀକ୍ଷାରୁ ଗୁଳି ମାରିବା ପଛର ପ୍ରକୃତ କାରଣ ସାମ୍ନାକୁ ଆସିପାରେ । ଅନ୍ୟପଟେ ଆଜି ତୃତୀୟ ପର୍ଯ୍ୟାୟ ରିମାଣ୍ଡର ଦ୍ୱିତୀୟ ଦିନ । ତେବେ ଏହା ପୂର୍ବରୁ ଅଭିଯୁକ୍ତ ଗୋପାଳଙ୍କର ଏଲଭିଏ ପରୀକ୍ଷା କରାଯାଇଛି । ଯାହା ଝାରସୁଗୁଡାରେ ନୂଆଦିଲ୍ଲୀର ସିଏଫଏସଏଲ ଟିମ୍ ୬ ତାରିଖରେ ପରୀକ୍ଷା କରିଥିଲା ।
