କୋଟା : ଏମବିବିଏସ ପାଠ୍ୟକ୍ରମରେ ନାମଲେଖା ପାଇଁ ଉଦ୍ଦିଷ୍ଟ ନିଟ୍ ପାଇଁ ରାଜସ୍ଥାନର କୋଟାରେ କୋଚିଂ ନେଉଥିବା ଜଣେ ଛାତ୍ର ନିଖୋଜ ହୋଇଥିବା ଜଣାପଡିଛି। ଅମନ କୁମାର ସିଂହ ନାମକ ଏହି ଛାତ୍ର ଜଣକ ବିହାର ବାସିନ୍ଦା ହୋଇଥିବାବେଳେ ବିଗତ ଦୁଇବର୍ଷ ହେଲା ଏଠାରେ ରହି କୋଚିଂ ନେଉଥିଲେ। ତେବେ ରବିବାର ରାତିରେ ଅମନ ସ୍ବର୍ଣ୍ଣବିହାର କଲୋନୀସ୍ଥିତ ପିଜି ହଷ୍ଟେଲରୁ କୁଆଡେ ପଳାଇଥିବା ଜଣାପଡିଛି। ନିକଟରେ ଅନୁଷ୍ଠିତ ନିଟ୍ ପରୀକ୍ଷାରେ ଉନ୍ନତ ପ୍ରଦର୍ଶନ କରିନଥିବାରୁ ସେ ହଷ୍ଟେଲ ଛାଡି ଚାଲିଯାଉଥିବା ଏକ ଚିଠିରେ ଉଲ୍ଲେଖ କରିଛନ୍ତି। ଚମ୍ବଲ ନଦୀ ଉପରେ ନିର୍ମିତ କୋଟା ବ୍ୟାରେଜ ନିକଟରେ ତାଙ୍କୁ ଖୋଜିବାକୁ ମଧ୍ୟ ସେ ଲେଖିଛନ୍ତିି। ପୁଲିସ ଘଟଣାସ୍ଥଳରେ ପହଞ୍ଚି ଖୋଜାଖୋଜି କରିଥିଲେ ସୁଦ୍ଧା ଅମନଙ୍କୁ ପାଇନାହାନ୍ତି।
