ଭୁବନେଶ୍ବର – ବିଜୁ ପଟ୍ଟନାୟକ ରାଜ୍ୟ ପୋଲିସ ଏକାଡେମୀର ନିର୍ଦ୍ଦେଶକ ଅରୁଣ ଷଡଙ୍ଗୀଙ୍କୁ ପୋଲିସ ମହାନିର୍ଦ୍ଦେଶକ ଭାବେ ଅତିରିକ୍ତ ଦାୟିତ୍ୱ ଦିଆଯାଇଛି। ଡିସେମ୍ବର ୩୧ରେ ଡିଜିପି ସୁନୀଲ ବଂଶଲ ଅବସର ନେଉଥିବା ବେଳେ ଅରୁଣ ଷଡଙ୍ଗୀଙ୍କୁ ଏହି ଦାୟିତ୍ବ ଦିଆଯାଇଛି । ନୂଆ ଡିଜିପି ନିଯୁକ୍ତି ପର୍ଯ୍ୟନ୍ତ ଏହି ଦାୟିତ୍ବରେ ରହିବେ ଅରୁଣ ଷଡଙ୍ଗୀ । ଏ ନେଇ ଗୃହ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।
୧୯୯୦ ବ୍ୟାଚ ଆଇପିଏସ ଅଫିସର ଅରୁଣ ଷଡଙ୍ଗୀ ତାଳଚେର ଏସଡିପିଓ ଭାବେ ଚାକିରି ଜୀବନ ଆରମ୍ଭ କରିଥିଲେ । ପରବର୍ତ୍ତୀ ସମୟରେ ସେ ରାୟଗଡା, ବ୍ରହ୍ମପୁର ଓ ଜଗତସିଂହପୁରରେ ଏସପି ଭାବେ କାର୍ଯ୍ୟ ତୁଲାଇଛନ୍ତି । ସେ ମଧ୍ୟ ଭୁବନେଶ୍ୱର ଓ ରାଉରେଲାରେ ଏସପି ଥିଲେ । ଉତ୍ତର କେନ୍ଦ୍ରାଞ୍ଚଳ ଡିଆଇଜି ଭାବେ ମଧ୍ୟ କାର୍ଯ୍ୟ କରିଛନ୍ତି ଅରୁଣ ଷଡଙ୍ଗୀ ।
