ନବରଙ୍ଗପୁର, ( ସରୋଜ କୁମାର ବେହେରା) ନବରଙ୍ଗପୁର ଜିଲ୍ଲା ବଣିକ ସଂଘ ସ୍ଥାପନା ପର ଠାରୁ ପ୍ରଥମ ଥର ପାଇଁ ହୋଇଥିବା ନବରଙ୍ଗପୁର ବଣିକ ସଂଘ ସଭାପତି ପାଇଁ ନିର୍ବାଚନ ହୋଇଛି। ପୁର୍ବରୁ ସହମତି କ୍ରମେ ଚୟନ ପ୍ରକିୟା ମାଧ୍ୟମରେ ସଙ୍ଘର କର୍ମକର୍ତ୍ତା ଚୟନ ହେଉଥିଲା। ଆଜି ନବରଙ୍ଗପୁର ଜିଲ୍ଲା ବଣିକ ସଂଘ ନିର୍ବାଚନ ମଇଦାନ ରେ ଦୁଇ ପ୍ରତିଦ୍ବନ୍ଦୀ ରହିଥିଲେ।ସଭାପତି ରୂପେ ମାନସ ରଞ୍ଜନ ଦାସ (କାହ୍ନୁ) ବିଜୟୀ ଘୋଷଣା ହୋଇଛନ୍ତି। କାହ୍ନୁ ତାଙ୍କ ନିକଟତମ ପ୍ରତିଦ୍ବନ୍ଦୀ ପିଙ୍କୁ ପଣ୍ଡାଙ୍କ ଠାରୁ ୧୭୫ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି। ସଙ୍ଘରେ ମୋଟ ୨୬୦ ସଭ୍ୟ ରହିଥିବା ବେଳେ ୨୩୭ ଜଣ ସଭ୍ୟ ମତଦାନ କରିଥିଲେ। କାହ୍ନୁ ଦାଶ ୨୦୨ ଖଣ୍ଡ ଭୋଟ ପାଇଥିବା ବେଳେ ପିଙ୍କୁ ପଣ୍ଡା ୨୭ ଖଣ୍ଡ ଭୋଟ ପାଇଛନ୍ତି ଓ ୮ ଖଣ୍ଡ ଭୋଟ ନାକଚ ହେଇଛି। ଅନ୍ୟାନ୍ୟ ପଦ ପଦବୀ ପରବର୍ତ୍ତୀ ସମୟରେ ଚୟନ କରାଯିବ ବୋଲି ଜଣା ପଡିଛି। ଏହି ନିର୍ବାଚନକୁ ବରିଷ୍ଠ ବ୍ୟବସାୟୀ ସୁବାଷ ଜୈନ, ପି ଚିନା ବାବୁ ପରିଚାଳନା କରିଥିଲେ। ନୂତନ କର୍ମକର୍ତ୍ତାଙ୍କ କାର୍ଯ୍ୟକାଳ ତିନି ବର୍ଷ ରହିଥିବା ଶ୍ରୀ ଜୈନ ସୂଚନା ଦେଇଛନ୍ତି। ଏହି ସଭାପତି ପଦବୀ ରେ ନବ ନିର୍ବାଚିତ କାହ୍ନୁ ଦାସ ଙ୍କ ଦଦେଇ ଦୁର୍ଗା ଦାସ ଦୀର୍ଘ ବର୍ଷ ଧରି ସଭାପତି ଭାବରେ ଦାୟୀତ୍ବ ତୁଲାଇଥିଲେ।
