ବାଲେଶ୍ୱର : ବାଲେଶ୍ୱର ଭୋଗରାଇ ବ୍ଲକରେ ଶନିବାର ଏକ ଅଭାବନୀୟ ଘଟଣା ଘଟିଛି । ସକାଳୁ ବନ୍ଦ କୋଠରୀରୁ ମିଳିଛି ଜଣେ କନିଷ୍ଠ ଯନ୍ତ୍ରୀଙ୍କ ମୃତଦେହ । ମୃତ ଯୁବତୀ ଜଣକ ମୋନାଲିସା ହେମ୍ବ୍ରମ। ସେ ଭୋଗରାଇ ବ୍ଲକରେ କନିଷ୍ଠ ଯନ୍ତ୍ରୀ ଭାବେ କାର୍ଯ୍ୟ କରୁଥିବା ବେଳେ ତାଙ୍କ ଘର ବାରିପଦା ବୋଲି ଜଣାପଡିଛି । ସେ ଭୋଗରାଇ ବ୍ଲକରେ ଭଡା ଘରେ ରହୁଥିବା ବେଳେ ସକାଳେ ଦୀର୍ଘ ସମୟ ପର୍ଯ୍ୟନ୍ତ ଘରର କବାଟ ଖୋଲା ଯାଇନଥିଲା । ପଡୋଶୀମାନେ ଏନେଇ ପୁଲିସକୁ ଖବର ଦେଇଥିଲେ । ପୁଲିସ କବାଟ ଭାଙ୍ଗି ମୋନାଲିସାଙ୍କ ଝୁଲନ୍ତା ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଜାରି ରଖିଛି । ଏହା ହତ୍ୟା କି ଆତ୍ମହତ୍ୟା ତାହାର ସ୍ପଷ୍ଟତା ମିଳି ନାହିଁ ।
