ନୂଆପଡ଼ା : ନୂଆପଡ଼ା ଜିଲା କୋମନା ଥାନା ତରବୋଡ଼ର ଜାତୀୟ ରାଜପଥ ୩୫୩ରେ ସଡକ ଦୁର୍ଘଟଣା । ବସ୍-ସ୍କର୍ପିଓ ଧକ୍କାରେ ୬ ଜଣ ଗୁରୁତର । ସମସ୍ତଙ୍କୁ ନୂଆପଡ଼ା ମୁଖ୍ୟ ସିକିତ୍ସାଳୟରେ ଭର୍ତ୍ତି କରାଯାଇଛି । ମୁଖ୍ୟ ସିକିତ୍ସାଳୟରେ ଭର୍ତ୍ତି ହୋଇଥିବା ସମସ୍ତେ ସୁସ୍ଥ ଥିବାନେଇ ଡାକ୍ତର ସୂଚନା ଦେଇଛନ୍ତି ।
ସୂଚନା ଅନୁଯାୟୀ, ଜାତୀୟ ରାଜପଥର ତରବୋଡ଼ ଓ ମାନିଗୁଡା ଛକ ମଝିରେ ଥିବା ସମ୍ଭବ ପାଖ ବୁଲାଣିରେ ସ୍କର୍ପିଓଟି ଏକ ଟ୍ରକକୁ ଓଭରଟେକ କରୁଥିଲା। ଆଉ ଏହି ସମୟରେ ସାମ୍ନାରୁ ଆସୁଥିବା ବସ୍ ସହ ଧକ୍କା ହୋଇଥିଲା। ଫଳରେ ସ୍କର୍ପିଓରେ ଥିବା ତିନି ବନ କର୍ମଚାରୀ ଏବଂ ଅନ୍ୟ ୩ଜଣ ଗୁରୁତର ଆହତ ହୋଇଛନ୍ତି। ସେପଟେ ସ୍କର୍ପିଓକୁ ବଞ୍ଚାଇବାକୁ ଯାଇ ବସ୍ଟି ରାସ୍ତା ତଳକୁ ପଶିଯାଇଛି। ବସରେ ଥିବା ଯାତ୍ରୀ ମଧ୍ୟ ଅଳ୍ପକେ ବର୍ତ୍ତୀ ଯାଇଛନ୍ତି ।
