କେନ୍ଦୁଝର, ନରଣପୁର ସ୍ଥିତ ବିଦ୍ୟା ଜ୍ୟୋତି ଫାଉଣ୍ଡେସନ ଦ୍ଵାରା ପରିଚାଳିତ ବ୍ରିଗେଡ ସ୍କୁଲ ର ବାର୍ଷିକ ପ୍ରତିଭା ଓ କ୍ରୀଡ଼ା ଉତ୍ସବ ଅନୁଷ୍ଠିତ ହୋଇଯାଇଛି। ସର୍ବ ପ୍ରଥମେ ସ୍ଥାନୀୟ ଘଡ଼ ଘଡି ମନ୍ଦିର ରୁ ମଶାଲ ଯାତ୍ରା ଆରମ୍ଭ ହୋଇ ଗ୍ରାମ ପରି ଭ୍ରମଣ କରିବା ପରେ ଦୁଇ ଦିନ ଧରି ହୋଇଥିବା ଏହି ଉତ୍ସବ କୁ ଅନୁଷ୍ଠାନ ର ମୁଖ୍ୟ ତଥା ବିଦ୍ୟା ଜ୍ୟୋତି ଫାଉଣ୍ଡେସନ ର ସମ୍ପାଦିକା ଶ୍ରୀମତୀ ଶକୁନ୍ତଳା ମହାନ୍ତ ମଶାଲ ରେ ଅଗ୍ନି ସଂଯୋଗ ପୂର୍ବକ କାର୍ଯ୍ୟକ୍ରମର ଶୁଭ ଉଦଘାଟନ କରିଥିଲେ। ଏହି କାର୍ଯ୍ୟକ୍ରମ ରେ ଅନୁଷ୍ଠାନ ରେ ପଢୁଥିବା ଛାତ୍ର ଛାତ୍ରୀ ମାନଙ୍କ ମଧ୍ୟ ରେ ଅଂଶଗ୍ରହଣ ଓ ପ୍ରତିଯୋଗିତା ମୂଳକ ଦକ୍ଷତା ବୃଦ୍ଧି ନିମନ୍ତେ ବିଭିନ୍ନ ପ୍ରତିଯୋଗିତା ଯଥା ନାଚ, ଗୀତ, ପ୍ରବନ୍ଧ ଲିଖନ, କବିତା ଆବୃତ୍ତି, ଚିତ୍ରାଙ୍କନ ସମେତ ଲମ୍ବା ଦୌଡ଼, ସଟଫୁଟ, ବାଧା ଦୌଡ଼, ଲମ୍ବା ଡିଆଁ, ଉଚ୍ଚ ଡିଆଁ, ଚକଲେଟ ରେସ ଆଦି ପ୍ରତିଯୋଗିତା କରାଯାଇ କୃତି ଛାତ୍ର ଛାତ୍ରୀ ମାନଙ୍କୁ ଅତିଥି ମାନଙ୍କ ଦ୍ଵାରା ପୁରସ୍କୃତ କରାଯିବା ସହ ସମ୍ବର୍ଦ୍ଧନା ଦିଆଯାଇଥିଲା। ଏହି ଉତ୍ସବ ରେ ଅଭିଭାବକ ମାନଙ୍କ ସମେତ ଆଖପାଖ ଅଞ୍ଚଳ ର ଅନେକ ବୁଦ୍ଧିଜୀବୀ ଯୋଗଦାନ କରିଥିଲେ।
