କେନ୍ଦୁଝର, (ନିପ୍ର) କେନ୍ଦୁଝର ଜିଲ୍ଲାରେ ବିଭିନ୍ନ ସମୟରେ ବିଦ୍ୟୁତ ବିଭ୍ରାଟ କୁ ନେଇ ଟାଟା ପାୱାର ଅଫିସ କୁ ଘେରିଲା ଜିଲା କଂଗ୍ରେସ । ବାରମ୍ବାର ବିଦ୍ୟୁତ ବିଭ୍ରାଟ କୁ ନେଇ ଅସନ୍ତୋଷ ପ୍ରକାଶ କରିବା ସହ ଅଧିକ୍ଷଣ ଯନ୍ତ୍ରୀଙ୍କୁ ଏନେଇ ଜବାବ ତଲବ କଲା ଜିଲା କଂଗ୍ରେସ । କେନ୍ଦୁଝର ରେ ଗତ କିଛି ମାସ ଧରି ପ୍ରବଳ ଗରମ ଓ ଗୁଳୁଗୁଳି ହେଉଥିବା ସମୟରୁ ବିଦ୍ୟୁତ କାଟ ଜାରୀ ରହିଥିବାବେଳେ ଏନେଇ ବିଦ୍ୟୁତ ବିଭାଗ କୌଣସି ସମାଧାନ କରୁନଥିବାରୁ ଜିଲା କଂଗ୍ରେସ ପକ୍ଷରୁ ଟାଟା ପାୱାର ଅଫିସ କୁ ଘେରାଓ କରିଥିଲେ । ମଙ୍ଗଳବାର ଜିଲା କଂଗ୍ରେସ ପକ୍ଷରୁ ଲାବନ୍ୟ ଛକ ନିକଟରୁ ଜିଲା କଂଗ୍ରେସ ସଭାପତି ମୋହନ ପରିଡା ଙ୍କ ନେତୃତ୍ୱରେ ଶତାଧିକ କଂଗ୍ରେସ କର୍ମୀ ଏକ ରେଲିରେ ଆସି ଟାଟା ପାୱାର ର ବିଦ୍ୟୁତ ଅଫିସ କୁ ଘେରାଓ କରି ବିଦ୍ୟୁତ କାଟ କରାଯାଉଥିବାରୁ ଅସନ୍ତୋଷ ପ୍ରକାଶ କଲେ କଂଗ୍ରେସ ନେତା ମାନେ। ଏଭଳି ବାରମ୍ବାର ବିଦ୍ୟୁତ କାଟ ଏକ ନିତିଦିନିଆ ଅଭ୍ୟାସ ଟାଟା ପାୱାର ବୋଲି ଅସନ୍ତୋଷ ପ୍ରକାଶ କରିଛନ୍ତି କଂଗ୍ରେସ ଜିଲା ସଭାପତି ମୋହନ ପରିଡା । ବାରମ୍ବାର ବିଦ୍ୟୁତ କାଟ ଓ ବିଦ୍ୟୁତ ର ଦରବୃଦ୍ଧି ଆଦି ଯୋଗୁଁ ଉପଭୋକ୍ତା ହନ୍ତସନ୍ତ ହେଉଥିଲେ ମଧ୍ୟ ସମସ୍ୟା ସମାଧାନ କରିବାରେ ବିଦ୍ୟୁତ ବିଭାଗ ଖାମ ଖିଆଲି ମନୋଭାବ କୁ ତୀବ୍ର ନିନ୍ଦା କରିଛନ୍ତି ବରିଷ୍ଠ କଂଗ୍ରେସ ନେତା ତଥା ନୀଳଗିରି ର ରାଣୀ ମୋନଜା ମଞ୍ଜରୀ ଦେବୀ ।
