ନୂଆଦିଲ୍ଲୀ : ଅଲମ୍ପିଆନ୍ ଇଲାବେନିଲ ବଲାରିବାନ ମହିଳା ବର୍ଗର ୧୦ ମିଟର ଏୟାର ରାଇଫଲ୍ ଇଭେଣ୍ଟରେ ଜିତିଛନ୍ତି ସ୍ୱର୍ଣ୍ଣପଦକ। ରିଓ ଦେ ଜାନେରିଓରେ ଆୟୋଜିତ ରିଓ ସୁଟିଂ ଆଇଏସ୍ଏସ୍ଏଫ୍ ବିଶ୍ୱକପ୍ର ରାଇଫଲ୍ ପ୍ରତିଯୋଗିତାରେ ହାସଲ କରିଛନ୍ତି ସ୍ୱର୍ଣ୍ଣ ପଦକ। ବିଶ୍ୱକପ୍ରେ ଏହା ତାଙ୍କର ଦ୍ୱିତୀୟ ଗୋଲ୍ଡ ମେଡାଲ।
୮ ଜଣ ମହିଳାଙ୍କ ମଧ୍ୟରେ ଜବରଦସ୍ତ ପ୍ରଦର୍ଶନ କରିଥିଲେ ଇଲାବେନିଲ। ସେ ଫାଇନାଲରେ ୨୪ଟି ସଟ୍ରେ କୌଣସି ବି ପ୍ରତିଯୋଗୀ ୧୦.୧ର କମ୍ ପଏଣ୍ଟ କରିପାରିନାହାନ୍ତି। ଇଲାବେନିଲ ୨୫୨.୨ ପଏଣ୍ଟ ସହ ଫ୍ରାନ୍ସର ଓୌସିଏନ୍ ମ୍ୟୁଲରଙ୍କୁ ପରାସ୍ତ କରିଛନ୍ତି। ମ୍ୟୁଲର ୨୫୧.୯ ପଏଣ୍ଟ ସହ ଦ୍ୱିତୀୟ ସ୍ଥାନରେ ରହିଛନ୍ତି। ଚୀନର ହେଂଗ ଜିୟାଲେ ତୃତୀୟ ସ୍ଥାନରେ କାଂସ୍ୟ ପଦକ ଜିତିଛନ୍ତି।
