ସମ ହସ୍‌ପିଟାଲ ପୁରୁଣା ରୋଡ଼ରେ ହାତୀ ଆତଙ୍କ, ସିସିଟିଭିରେ କଏଦ ହେଲା ଚିତ୍ର

ଭୁବନେଶ୍ୱର : ରାଜଧାନୀରେ ବୁଲୁଛି ହାତୀ । ଭରତପୁର ସମ ହସ୍‌ପିଟାଲ ପୁରୁଣା ରୋଡ଼ରେ ହାତୀ ଆତଙ୍କ । ରାତି ଅଧରେ ପଶି ଭାଙ୍ଗିଲା ପାଚେରୀ । ସିସିଟିଭିରେ କଏଦ ହୋଇଛି ଚିତ୍ର। ଗତକାଲି ରାତିରେ ହାତୀଟି କଲୋନୀରେ ପଶି ଗେଟ୍‌କୁ ହଲାଇଥିଲା ।

ଶବ୍ଦ ଶୁଣି ଲୋକେ ଘରୁ ବାହାରି ଦେଖିବାରୁ ହାତୀ ବୁଲୁଛି । ଫଳରେ ଲୋକେ ଭୟଭୀତ ହୋଇପଡିଥିଲେ । ଚନ୍ଦକା ଜଙ୍ଗଲରୁ ହାତୀଟି ପଳାଇଆସିଥିବା ସୂଚନା ମିଳିଛି। ଖବର ପାଇ ବନବିଭାଗ ଘଟଣାସ୍ଥଳରେ ପହଞ୍ଚି ଜଙ୍ଗଲକୁ ଘଉଡାଇ ଦେଇଛି ।