କେନ୍ଦ୍ର କର୍ମଚାରୀଙ୍କୁ ମିଳିବ ବର୍ଦ୍ଧିତ ଭ୍ରମଣ ଭତ୍ତା

ନୂଆଦିଲ୍ଲୀ : କେନ୍ଦ୍ର କର୍ମଚାରୀଙ୍କୁ କେନ୍ଦ୍ର ସରକାର ଦୀପାବଳୀ ଉପହାର ଦେଇଛନ୍ତି । ମହଙ୍ଗା ଭତ୍ତା (ଡିଏ)ବୃଦ୍ଧି ପରେ ବର୍ତ୍ତମାନ ଭ୍ରମଣ ଭତ୍ତା (ଟିଏ) ମଧ୍ୟ ବୃଦ୍ଧି କରିଛନ୍ତି । ଭ୍ରମଣ ଭତ୍ତାର ବୃଦ୍ଧି ଦୁଇଟି ଉପାୟରେ ଘଟିଛି । ପ୍ରଥମ ଡିଏରେ ବୃଦ୍ଧି ସହିତ ସେମାନଙ୍କର ମୋଟ ଭ୍ରମଣ ଭତ୍ତା ବୃଦ୍ଧି ପାଇଛି । ଏଥି ସହିତ କେନ୍ଦ୍ର କର୍ମଚାରୀମାନେ ବର୍ତ୍ତମାନ ରାଜଧାନୀ ଓ ଦୁରନ୍ତୋ ଏକ୍ସପ୍ରେସ ବ୍ୟତୀତ ତେଜସ ଟ୍ରେନରେ ଯାତ୍ରା କରିବାର ସୁଯୋଗ ପାଇବେ । ଅର୍ଥାତ୍ ସେମାନଙ୍କର ଭ୍ରମଣ ଗ୍ରେଡ୍ ବୃଦ୍ଧି କରାଯାଇଛି ।