ବରଗଡ଼ : ଆସନ୍ତାକାଲି (ସୋମବାର) ଠାରୁ ଆରମ୍ଭ ହେବ ୭୬ ତମ ବିଶ୍ୱ ପ୍ରସିଦ୍ଧ ବରଗଡ଼ ଧନୁଯାତ୍ରା । ପୌରାଣିକ କଥା ଵସ୍ତୁ ଉପରେ ଆଧାରିତ ମୁକ୍ତ ଆକାଶ ରଙ୍ଗ ମଞ୍ଚର ଧନୁଯାତ୍ରାକୁ ନେଇ ବରଗଡ଼ ବିଶ୍ୱ ପ୍ରସିଦ୍ଧ । ଏନେଇ ପସ୍ତୁତି ଚୂଡାନ୍ତ ପଯ୍ୟୟରେ । ମଞ୍ଚ ସଜ୍ଜା ଠାରୁ ଆରମ୍ଭ କରି ହାତୀ ,ଘୋଡା, ଓଟ ପହଁଚି ସାରିଛନ୍ତି । କଳାକାର ଅଭିନୟ ପାଇଁ ପ୍ରସ୍ତୁତ ଥିବା ବେଳେ ଧନୁଯାତ୍ରାକୁ ନେଇ ସମସ୍ତ ପ୍ରସ୍ତୁତି ପ୍ରାୟ ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି ।
୭୬ ତମ ଧନୁଯାତ୍ରା ଅବସରରେ ମହାରାଜା କଂସ ଏଥର ଶିଶମହଲରେ ବିରାଜମାନ କରିବେ ବୋଲି ଦରବାର କମିଟିର ଆବାହକ ରାଜେନ୍ଦ୍ର ପ୍ରସାଦ ସିଂହ ସୂଚନା ଦେଇଥିବା ବେଳେ ତେଲେଙ୍ଗାନା ରାଜସ୍ଥାନୀ ଢ଼ାଂଚାର ମିଶ୍ରଣ ରହିଥିବା ଦରବାର ମଂଚ ଏଥର ଅଧିକ ଲୋକଙ୍କୁ ଆକର୍ଷିତ କରିବ ବୋଲି ଶିଶମହଲର ନିର୍ମାଣ କରୁଥିବା ଏମଏମ ଇଭେଂଟସର ସତ୍ୱାଧିକାରୀ ସୁଶୀଳ ପଣ୍ଡା ସୂଚନା ଦେଇଛନ୍ତି।
