କେନ୍ଦୁଝର, କେନ୍ଦୁଝର ସହରରେ ଅଗ୍ରପୂଜ୍ୟ ଗଣେଶଙ୍କ ପୂଜା ଧୂମଧାମର ସହ ପାଳିତ ହେଉଛି । କେନ୍ଦୁଝର ସହରର ସମବାୟ ବ୍ୟାଙ୍କ,ପ୍ରାଇଭେଟ ବସ୍ ଷ୍ଟାଣ୍ଡ,ବନଖଣ୍ଡ ଅଧିକାରୀ ଙ୍କ କାର୍ଯ୍ୟାଳୟ,କଂଗ୍ରେସ ଭବନ,ରାହାସ ମନ୍ଦିର କମିଟି,ଧରଣୀଧର ମହାବିଦ୍ୟାଳୟ ଏବଂ ବିଶ୍ୱବିଦ୍ୟାଳୟ ତଥା ସରସ୍ୱତୀ ଶିଶୁ ବିଦ୍ୟାମନ୍ଦିର ଓ ବିଭିନ୍ନ ଶିକ୍ଷାନୁଷ୍ଠାନ ମାନଙ୍କରେ ଗଣେଶ ପୂଜା ଅନୁଷ୍ଠିତ ହୋଇଯାଇଛି । ବିଭିନ୍ନ ଶିକ୍ଷାନୁଷ୍ଠାନ ରେ ଛାତ୍ରଛାତ୍ରୀ ମାନଙ୍କ ଗହଳି ପରିଲକ୍ଷିତ ହୋଇଥିଲା । ବିଭିନ୍ନ ଅନୁଷ୍ଠାନ ମାନଙ୍କ ପକ୍ଷରୁ ସନ୍ଧ୍ୟା ସମୟରେ ଭକ୍ତ ମାନଙ୍କୁ ପ୍ରସାଦ ବଣ୍ଟନ କରାଯାଇଥିଲା । ପ୍ରଶାସନ ତରଫରୁ ଭକ୍ତଙ୍କ ସୁରକ୍ଷା ବ୍ୟବସ୍ଥାକୁ ଦୃଷ୍ଟିରେ ରଖି ବିଭିନ୍ନ ମଣ୍ଡପରେ ପୋଲିସ ମୁତୟନ କରାଯାଇଛି ।
