ଓଲଟିଲା ଗ୍ୟାସ୍‌ ବୋଝେଇ ଟ୍ରକ, ରାସ୍ତା କଡ଼ରେ ପଡିଛି ସିଲିଣ୍ଡର

କଟକ : ଓଲଟିଲା ଗ୍ୟାସ୍‌ ବୋଝେଇ ଟ୍ରକ । କଟକ ଶିଖରପୁର ନିକଟରେ ଏକ ଗ୍ୟାସ୍‌ ବୋଝେଇ ଟ୍ରକ ଦୁର୍ଘଟଣାଗ୍ରସ୍ତ ହୋଇଛି । ଘଟଣାସ୍ଥଳରେ ଚାଲିଛି ଉଦ୍ଧାର କାର୍ଯ୍ୟ ।

ଖବର ଅନୁଯାୟୀ, ଏଚପି କମ୍ପାନୀର ରନ୍ଧନ ଗ୍ୟାସ ବୋଝେଇ ଟ୍ରକଟି ଓମ୍‌ପି ପଟୁ ଜଗତପୁର ଯାଉଥିବା ବେଳେ ଦୁର୍ଘଟଣା ଘଟିଛି । ଶିଖରପୁର ଓଭରବ୍ରିଜ ନିକଟରେ ରାସ୍ତା ଅଵସ୍ଥା ଅତ୍ୟନ୍ତ ଖରାପ ଥିବାରୁ ଟ୍ରକଟି ଭାରସାମ୍ୟ ହରାଇ ଓଲଟି ପଡ଼ିଥିଲା । ତେବେ ଵୋଝେଇ ସିଲିଣ୍ଡର ଗୁଡିକରୁ ଗ୍ୟାସ ଲିକ୍ ହେଉଛି କି ନାହିଁ, ସେ ସମ୍ପର୍କରେ ପୋଲିସ ପହଞ୍ଚି ଯାଞ୍ଚ କରୁଛି । ଗ୍ୟାସ ଲିକ୍ ପରିସ୍ଥିତି ପାଇଁ ଘଟଣାସ୍ଥଳରେ ସମସ୍ତ ପ୍ରକାର ସାବଧାନତା ଅବଲମ୍ବନ କରାଯାଇଛି।