ହମାସ ମୁଖ୍ୟ ଇସ୍ମାଇଲ ହନିୟାଙ୍କ ହତ୍ୟା

ନୂଆଦିଲ୍ଲୀ: ହମାସ ମୁଖ୍ୟ ଇସ୍ମାଇଲ ହନିୟାଙ୍କ ମୃତ୍ୟୁ । ମିଳିଥିବା ସୂଚନା ମୁତାବକ ବୁଧବାର ସକାଳେ ଇରାନରେ ତାଙ୍କୁ ହତ୍ୟା କରାଯାଇଛି। ଇରାନର ସେନା ଇରାନ ରିଭୋଲ୍ୟୁସନାରୀ ଗାର୍ଡସ୍‌ ମଧ୍ୟ ଏନେଇ ସୂଚନା ଦେଇଛନ୍ତି।

ସୂଚନାନୁଯାୟୀ, ତେହେରାନସ୍ଥିତ ଇସ୍ମାଇଲ ହାନିୟାଙ୍କ ଘର ଉପରେ ଆକ୍ରମଣ ହୋଇଥିଲା, ଯେଉଁଥିରେ ଜଣେ ଅଙ୍ଗରକ୍ଷୀଙ୍କ ସହ ଇସ୍ମାଇଲ ହାନିୟାଙ୍କ ମୃତ୍ୟୁ ଘଟିଛି। ହମାସ ମଧ୍ୟ ଇସ୍ମାଇଲ ହାନିୟାଙ୍କ ହତ୍ୟାକୁ ସ୍ୱୀକାର କରିଛି ଏବଂ ଏଥିପାଇଁ ଇସ୍ରାଏଲକୁ ଦାୟୀ କରିଛି। ତେବେ ଏପର୍ଯ୍ୟନ୍ତ ଇସ୍ରାଏଲ ପକ୍ଷରୁ ଏନେଇ କୌଣସି ବୟାନ ଜାରି କରାଯାଇ ନାହିଁ। ଏହାପୂର୍ବରୁ ମଙ୍ଗଳବାର ଇସ୍ମାଇଲ ହନିୟା ଇରାନର ନୂଆ ରାଷ୍ଟ୍ରପତିଙ୍କ ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ ଏବଂ ସେ ଇରାନର ସର୍ବୋଚ୍ଚ ନେତାଙ୍କୁ ମଧ୍ୟ ଭେଟିଥିଲେ।