କେନ୍ଦୁଝର, ରାଜ୍ୟକୁ ଉତ୍ତର-ଉତ୍ତର ପଶ୍ଚିମ ଦିଗରୁ ଶୁଷ୍କ ବାୟୁ ପ୍ରବାହିତ ହେଉଥିବାରୁ ରାତିର ତାପମାତ୍ରା କମୁଛି । ଗତ ୨୪ ଘଣ୍ଟାରେ ବିଭିନ୍ନ ସ୍ଥାନରେ ରାତି ତାପମାତ୍ରା ୨-୩ ଡିଗ୍ରୀ ସେଲସିୟସ୍ ଯାଏ ହ୍ରାସ ପାଉଛି । ଗତ ୨୪ ଘଣ୍ଟାରେ ଅଧା ଓଡ଼ିଶାରେ ୧୫ ଡିଗ୍ରୀ ସେଲୟିସ୍ ତଳକୁ ଖସିଛି ପାରଦ । କେନ୍ଦୁଝର ଜିଲ୍ଲାରେ ପାରଦ ସବୁଠୁ କମ ୯.୮ ଡିଗ୍ରୀ ରେକର୍ଡ କରାଯାଇଛି। ୧୬ ସହରର ତାପମାତ୍ରା ୧୫ ଡିଗ୍ରୀ ତଳେ ରେର୍କଡ କରାଯାଇଛି। ବିଭିନ୍ନ ସ୍ଥାନରେ ପଡୁଛି କୁହୁଡ଼ି । ଆଗକୁ ଆହୁରି ଖସିବ ପାରଦ । ଅଧିକାଂଶ ସହରରେ ତାପମାତ୍ରା ୧୫ ଡିଗ୍ରୀ ସେଲସିୟସ୍ ତଳକୁ ଖସିବା ସମ୍ଭାବନା ରହିଛି । ଆସନ୍ତା ସପ୍ତାହ ଯାଏ କେନ୍ଦୁଝର ଜିଲ୍ଲାରେ ପାଗ ମୁଖ୍ୟତଃ ଶୁଖିଲା ରହିବ । ରାତି ତାପମାତ୍ରା ୨-୪ ଡିଗ୍ରୀ ସେଲସିୟସ୍ ଯାଏ କମିବା ସହ ସ୍ବାଭାବିକ ସ୍ଥିତିକୁ ଫେରିବ ବୋଲି ଆକଳନ କରିଛି ପାଣିପାଗ ବିଭାଗ । ଉତ୍ତର ପଶ୍ଚିମ ଦିଗରୁ ଥଣ୍ଡା ଓ ଶୁଷ୍କ ପବନ ଆସୁଛି। ଏଥିପାଇଁ ଅଧିକ ଶୀତ ଅନୁଭୂତ ହେଉଛି। ଆସନ୍ତା ୧୫ ତାରିଖ ଯାଏ ଶୀତର ପ୍ରଭାବ ରହିବ। ୧୬ ତାରିଖରୁ ପୁଣି ତାପମାତ୍ରା ବଢିବ ଓ ଶୀତ କମିବ ବୋଲି କହିଛି ଆଞ୍ଚଳିକ ପାଣିପାଗ କେନ୍ଦ୍ର।
