ଓ୍ବାଶିଂଟନ : ଆମେରିକା ରାଷ୍ଟ୍ରପତି ଦୌଡରେ ଭାରତୀୟ ବଂଶୋଦ୍ଧବ । ଉଦ୍ୟୋଗୀ ବିବେକ ରାମସ୍ବାମୀ ୨୦୨୪ ରାଷ୍ଟ୍ରପତି ନିର୍ବାଚନ ପାଇଁ ପ୍ରାର୍ଥୀ ହେବା ନେଇ ଘୋଷଣା କରିଛନ୍ତି । ସେ ରିପବ୍ଲିକାନ୍ ପାର୍ଟି ପକ୍ଷରୁ ଏହି ପଦ ପାଇଁ ଏଥର ଆଶାୟୀ ଅଛନ୍ତି । ଏଥିପାଇଁ ସେ ତାଙ୍କର ଅଭିଯାନ ଆରମ୍ଭ କରିସାରିଛନ୍ତି । ରାମସ୍ବାମୀଙ୍କ ଜନ୍ମ ଆମେରିକାର ସିନସିନାଟିରେ ହୋଇଥିବା ବେଳେ ସେ ହାବାର୍ଡ ଓ ୟେଲେ ବିଶ୍ବବିଦ୍ୟାଳୟରେ ପାଠ ପଢିଛନ୍ତି । ପୂର୍ବରୁ ଏହି ପାର୍ଟିରୁ ନିକି ହାଲେ ଦୌଡରେ ଅଛନ୍ତି । ସେହିଭଳି ରିପବ୍ଲିକାନ ପାର୍ଟିରୁ ପୂର୍ବତନ ରାଷ୍ଟ୍ରପତି ଡୋନାଲ୍ଟ ଟ୍ରମ୍ପ ମଧ୍ୟ ରାଷ୍ଟ୍ରପତି ପ୍ରାର୍ଥୀ ହେବା ନେଇ ଘୋଷଣା କରିସାରିଛନ୍ତି ।
୩୭ ବର୍ଷିୟ ରାମାସ୍ବାମୀଙ୍କ ବାପା ଓ ମା’ କେରଳର ବାସିନ୍ଦା । ତାଙ୍କ ବାପା ଏକ ଜେନେରାଲ ଇଲେକ୍ଟ୍ରିକ୍ ପ୍ଲାଣ୍ଟରେ ଚାକିରି କରୁଥିବା ସମୟରେ ସଂଯୁକ୍ତ ରାଷ୍ଟ୍ର ଆମେରିକା ଚାଲିଯାଇଥିଲେ । ରାମସ୍ବାମୀ ହେଉଛନ୍ତି ଦ୍ବିତୀୟ ଭାରତୀୟ ବଂଶୋଦ୍ଧବ ଯିଏ ଆମେରିକାନ୍ ରିପବ୍ଲିକାନ୍ ପାର୍ଟିରେ ସାମିଲ ହୋଇଛନ୍ତି ।
