ମୁମ୍ବଇ: ‘କଳ୍କି ୨୮୯୮ ଏଡି’ ବକ୍ସ ଅଫିସରେ ୧୦୦୦ କୋଟି ଟଙ୍କାର ଦମ୍ଦାର୍ ଆୟ କରିଛି। ଚଳଚ୍ଚିତ୍ରର ଏହି ସଫଳତାରେ ଖୁସି ହୋଇ ନିର୍ମାତା କର୍ଣ୍ଣଙ୍କ ଲୁକ୍ର ଏକ ଭିଡିଓ ସାମାଜିକ ଗଣମାଧ୍ୟମରେ ଶେୟାର କରିଛନ୍ତି।
ଭିଡିଓରେ ପ୍ରଭାସ କର୍ଣ୍ଣ ରୂପରେ ନଜର ଆସିଛନ୍ତି। ତାଙ୍କର ଏହି ଅବତାର ପ୍ରଶଂସକଙ୍କୁ ବେଶ୍ ପସନ୍ଦ ଆସିଛି। କର୍ଣ୍ଣ ରୂପରେ ପ୍ରଭାସ ରଥରେ ଚଢିଛନ୍ତି। ଏଥିସହ ତାଙ୍କ ରଥର ସାରଥୀଙ୍କର ଏକ ଅସ୍ପଷ୍ଟ ଚିତ୍ର ମଧ୍ୟ ଦେଖିବାକୁ ମିଳିଛି। ଫିଲ୍ମରେ ପ୍ରଭାସଙ୍କ ବ୍ୟତୀତ ଅମିତାଭ ବଚ୍ଚନ, ଦିଶା ପଟାନୀ, ଦୀପିକା ପାଦୁକୋନ ଓ କମଲ ହାସନ ଗୁରୁତ୍ଵପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି।
ନାଗ ଅଶ୍ଵିନଙ୍କ ଦ୍ଵାରା ନିର୍ଦେଶିତ ଏହି ଚଳଚ୍ଚିତ୍ର ଅନେକ ନୂଆ ରେକର୍ଡ଼ ସୃଷ୍ଟି କରିଛି। ଫିଲ୍ମ ଖୁବ୍ ସହଜରେ ୧୦୦୦ କୋଟି ଟଙ୍କା ଅତିକ୍ରମ କରିଛି। ଏଥିସହ ଆୟ ଜାରି ରହିଛି। ଏଥିରୁ ସ୍ପଷ୍ଟ ଯେ, ବକ୍ସ ଅଫିସରେ ଫିଲ୍ମର ଯାଦୁ ଏବେ ଥମିବାର ନାହିଁ।
