ମା’ ତାରିଣୀଙ୍କ ଚଇତି ପର୍ବ, ପଣା ସଂକ୍ରାନ୍ତିରେ ସ୍ୱତନ୍ତ୍ର ନୀତିକାନ୍ତି

ଘଟଗାଁ : ଘଟଗାଁ ମା’ ତାରିଣୀଙ୍କ ଚଇତି ପର୍ବ ଜାରି ରହିଛି । ଚଇତି ପର୍ବର ଆଜି ଷଷ୍ଠ ଦିବସ । ଆଜି ପଣା ସଂକ୍ରାନ୍ତିରେ ସ୍ବତନ୍ତ୍ର ନୀତିକାନ୍ତି କରାଯାଉଛି।

ସ୍ବତନ୍ତ୍ର ନୀତିକାନ୍ତି ଅନୁସାରେ ଭୋର୍ ୪ଟାରୁ ସେବାୟତ ମାନେ ମନ୍ଦିର ପହଡ ଖୋଲି ମା’ଙ୍କ ପୂଜର୍ଚ୍ଚନା କରି ସୁନା ବେଶରେ ସଜ୍ଜିତ କରିଛନ୍ତି । ଆଜି ସ୍ୱତନ୍ତ୍ର ଭାବେ ପଣାଭୋଗ ଲାଗିଥାଏ । ପଣା ଭୋଗକୁ ଭକ୍ତ ମାନଙ୍କୁ ବଂଟା ଯାଇଥାଏ । ସେହି ପଣାଭୋଗକୁ ପାଇବା ପାଇଁ ଏବଂ ମା’ଙ୍କୁ ଦର୍ଶନ କରିବା ପାଇଁ ସକାଳୁ ସକାଳୁ ଭକ୍ତଙ୍କ ସୁଅ ଛୁଟିଛି ଘଟଗାଁ ତାରିଣୀଙ୍କ ପୀଠକୁ । ଶ୍ରଦ୍ଧାଳୁ ମାନଙ୍କ ଶୃଙ୍ଖଳିତ ଦର୍ଶନ ପାଇଁ ପ୍ରଶାସନ ତରଫରୁ ବ୍ୟାପକ ବ୍ୟବସ୍ଥା କରାଯାଇଛି ।