ଗଞ୍ଜାମ : ଟ୍ରେନ୍ ଲାଇନ୍ରେ କଟି ମାଆ ଓ ଝିଅ ମୃତ। ଆନ୍ଧ୍ରପ୍ରଦେଶ ପଲାସା ଇଚ୍ଛାପୁରମ୍ ନିକଟରେ ଟ୍ରେନ୍ ଧକ୍କାରେ ମାଆ ଓ ଝିଅଙ୍କ ଜୀବନ ଯାଇଛି। ୪ବର୍ଷର ପୁଅକୁ ଗୁରୁତର ଅବସ୍ଥାରେ ବ୍ରହ୍ମପୁର ଏମକେସିଜି ବଡ଼ ଡାକ୍ତରଖାନାରେ ଭର୍ତ୍ତି କରାଯାଇଛି। ମୃତକମାନେ ହେଲେ ୟୁ ଶ୍ରାବାଣୀ ଓ ତାଙ୍କ ୮ ମାସର ଝିଅ ।
ଗଞ୍ଜାମ ଜିଲା ଜରଡ଼ା ଥାନା ଅନ୍ତର୍ଗତ ଚିଡ଼ୁପୁଡ଼ି ଗାଁର ୟୁ. ଶ୍ୟାମ ସ୍ତ୍ରୀ ଓ ପୁଅ-ଝିଅଙ୍କୁ ନେଇ ଜଗନ୍ନାଥପୁରମ୍ ରେଲୱେ ଲେବଲ୍ କ୍ରସିଂ ପାର ହେଉଥିଲେ। ଏହି ସମୟରେ ଏକ ଟ୍ରେନ୍ ସେମାନଙ୍କୁ ଧକ୍କା ଦେଇଥିଲା। ଘଟଣାସ୍ଥଳରେ ମାଆ ଓ ଝିଅଙ୍କ ମୃତ୍ୟୁ ହୋଇଥିଲା। ଏହାକୁ ନେଇ ଗାଁରେ ଶୋକର ଛାୟା ଖେଳିଯାଇଛି।
