ମୁମ୍ବାଇ : ସାଉଥ୍ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ବହୁ ପ୍ରତୀକ୍ଷିତ ଦକ୍ଷିଣ ଭାରତୀୟ ଫିଲ୍ମ‘ପୁଷ୍ପା ୨ ଦି ରୁଲ୍’ର ନୂଆ ପୋଷ୍ଟର ରିଲିଜ୍ ହୋଇଛି। ଏହି ପୋଷ୍ଟର ପୁଣି ଥରେ ପ୍ରଶଂସକଙ୍କ ଉତ୍କଣ୍ଠାକୁ ଦ୍ୱିଗୁଣ ବଢାଇଛି। ନୂଆ ପୋଷ୍ଟରରେ ଅଭିନେତା ଅଲ୍ଲୁ ଅର୍ଜୁନ୍ ନିଜର ସିଗ୍ନେଚର୍ ପୁଷ୍ପା ଲୁକ୍ରେ ନଜର ଆସିଛନ୍ତି।
ପୋଷ୍ଟର ସହ ଫିଲ୍ମ ରିଲିଜ୍କୁ ନେଇ ମଧ୍ୟ ନୂଆ ତଥ୍ୟ ସାମ୍ନାକୁ ଆସିଛି । ନୂଆ ପୋଷ୍ଟରରେ ଅଲ୍ଲୁ ଅର୍ଜୁନ୍ ନିଜର ‘ପୁଷ୍ପା’ ଲୁକ୍ରେ ଖୁବ୍ ଗମ୍ଭୀର, ବିଦ୍ରୋହୀ ଓ ଭରପୁର ଆତ୍ମବିଶ୍ୱାସ ସହ ବସିଥିବା ଦେଖାଯାଉଛନ୍ତି ।
ସୁକୁମାରଙ୍କ ନିର୍ଦ୍ଦେଶିତ ଏହି ଫିଲ୍ମ ନିଜର ସ୍ଥିର କରାଯାଇଥିବା ତାରିଖ ଅର୍ଥାତ୍ ୬ ଡିସେମ୍ବର ୨୦୨୪ରେ ରିଲିଜ୍ ହେବାକୁ ଯାଉଛି । ଦର୍ଶକ ପୋଷ୍ଟରକୁ ଦେଖି ଖୁବ୍ ଉତ୍ସାହିତ ହୋଇଛନ୍ତି । ପୋଷ୍ଟର ଦେଖି ପ୍ରଶଂସକ କହିଛନ୍ତି, ପୁଷ୍ପା ନାମ ହିଁ କେବଳ ଯଥେଷ୍ଟ । ବକ୍ସ ଅଫିସ୍ରେ ହଇଚଇ ସୃଷ୍ଟି କରିବ ।
ଅଲ୍ଲୁ ଅର୍ଜୁନଙ୍କ ଫିଲ୍ମ ପୁଷ୍ପା -ପାର୍ଟ୧କୁ ଦର୍ଶକଙ୍କ ଖୁବ୍ ଭଲପାଇବା ମିଳିଥିଲା । ପୁଷ୍ପାର ଲୋକପ୍ରିୟତା ଦେଖି ଅଲ୍ଲୁ ଅର୍ଜୁନଙ୍କ ପ୍ରଶଂସକମାନେ ଉତ୍ସାହର ସହିତ ଫିଲ୍ମର ପାର୍ଟ ୨କୁ ଅପେକ୍ଷା କରିଛନ୍ତିା
ସୂଚନାଯୋଗ୍ୟ ‘ପୁଷ୍ପା ୨ ଦି ରୁଲ୍’ ପ୍ରାୟ ୫୦୦ କୋଟି ଟଙ୍କା ବଜେଟରେ ପ୍ରସ୍ତୁତ କରାଯାଉଛି ଏବଂ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା ମୁଖ୍ୟ ଭୂମିକାରେ ଅଛନ୍ତି। ଚଳିତ ବର୍ଷ ରିଲିଜ୍ ହେବାକୁ ଥିବା ଏହା ହେଉଛି ସବୁଠାରୁ ବଡ ଚଳଚ୍ଚିତ୍ର ବୋଲି ଆଶା କରାଯାଉଛିା ଫରଦ ଫାସିଲ , ଶ୍ରୀତେଜ, ବିଜୟ ସେତୁପତି, ଏବଂ ଅନସୁୟା ଭରଦ୍ୱାଜ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ ।
