ଅଯୋଧ୍ୟା: ଆଜି ପବିତ୍ର ରାମ ନବମୀ। ରାମ ମନ୍ଦିରର ପ୍ରାଣ ପ୍ରତିଷ୍ଠା ପରେ ଅଯୋଧ୍ୟାରେ ପ୍ରଥମ ରାମନବମୀ ପାଇଁ ସ୍ୱତନ୍ତ୍ର ପ୍ରସ୍ତୁତି କରାଯାଇଛି । ଶ୍ରୀରାମଚନ୍ଦ୍ରଙ୍କ ଜନ୍ମ ବାର୍ଷିକୀ ପାଳନ କରିବା ପାଇଁ ସମଗ୍ର ଅଯୋଧ୍ୟା ସଜେଇ ହୋଇଛି । ଅଯୋଧ୍ୟାରେ ବିରାଜମାନ ପ୍ରଭୁ ରଘୁନନ୍ଦନଙ୍କ ପ୍ରଥମ ରାମନବମୀ ମଧ୍ୟ ସ୍ବତନ୍ତ୍ର ହେବ । ଆଜି ରାମଲାଲାଙ୍କ ହେବ ଅଲୌକିକ ସୂର୍ଯ୍ୟ ତିଳକ ବା ସୂର୍ଯ୍ୟାଭିଷେକ ।
ଆଜି ମଧ୍ୟାହ୍ନ ୧୨ଟାରେ ହେବ ଶ୍ରୀରାମଙ୍କ ଜନ୍ମ । ଏହି ସମୟରେ କୌଶଲ୍ୟା ନନ୍ଦନଙ୍କ କପାଳରେ ସିଧା ସୂର୍ଯ୍ୟକିରଣ ପଡ଼ିବ। ଭଗବାନ ରାମଙ୍କ ସୂର୍ଯ୍ୟାଭିଷେକ ବୈଜ୍ଞାନିକ ଫର୍ମୁଲା ଅନୁଯାୟୀ ହେବ। ରାଜା ରାମଙ୍କ ସୂର୍ଯ୍ୟତିଳକ ପାଇଁ ପ୍ରସ୍ତୁତି ବହୁଦିନ ତଳୁ ହିଁ ଆରମ୍ଭ ହୋଇଥିଲା। ଏଥିପାଇଁ ବୈଜ୍ଞାନିକମାନେ ଅନେକ ଥର ଟ୍ରାଏଲ୍ କରିଥିଲେ ।
ଆଜି ରାମ ନବମୀରେ ପ୍ରଭୁ ରାମଙ୍କ ସୂର୍ଯ୍ୟତିଳକ ବା ସୂର୍ଯ୍ୟାଭିଷେକ ହେବ । ଏହା ମଧ୍ୟ ବିଶ୍ୱବ୍ୟାପୀ ସିଧା ପ୍ରସାରଣ କରାଯିବ।
