ବୌଦ୍ଧ : ବୌଦ୍ଧ ଜିଲା ଦେଇ ଯାଇଥିବା ବଲାଙ୍ଗୀର-ଖୋର୍ଦ୍ଧା ୫୭ ନଂ. ଜାତୀୟ ରାଜପଥର ରାଧାନଗର ନିକଟ ବୃନ୍ଦାବନ ଠାରେ ଏକ ଯାତ୍ରୀବାହୀ ବସ ଓ ଟ୍ରକ ମଧ୍ୟରେ ଧକ୍କା ହୋଇଛି। ଦୁର୍ଘଟଣାରେ ବସ କଣ୍ଡକ୍ଟର, ଟ୍ରକ ଚାଳକ ଓ ଜଣେ ବସ ଯାତ୍ରୀ ଆହତ ହୋଇଛନ୍ତି।
ଦିଲଖୁସ(ଓଡି-୦୨-ଏୟୁ-୨୫୯୭) ନାମକ ଏକ ଘରୋଇ ବସ ଭୁବନେଶ୍ବରରୁ କୋରାପୁଟ ଜିଲା ଉମରକୋଟ ଯାଉଥିଲା। ବୃନ୍ଦାବନ ଠାରେ ସାମ୍ନା ପଟରୁ ଆସୁଥିବା ଏକ ମାଲବୋଝେଇ ଟ୍ରକ ସହ ଧକ୍କା ହୋଇଥିଲା। ବୌଦ୍ଧ ପୁଲିସ ଓ ଅଗ୍ନିଶମ କର୍ମଚାରୀ ଆହତଙ୍କୁ ଉଦ୍ଧାର କରି ବୌଦ୍ଧ ଜିଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଛନ୍ତି।
