ଅନୁଗୁଳ : ଅନୁଗୁଳ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଅଭାବନୀୟ ଘଟଣା । ଆତ୍ମାହୁତି ଉଦ୍ୟମ ବେଳେ ୩ଜଣ ଯୁବତୀଙ୍କୁ ଉଦ୍ଧାର କଲା ପୋଲିସ। ସେମାନଙ୍କ ନିକଟରୁ ପେଟ୍ରୋଲ ଓ ଦିଆସିଲି ଜବତ କରିଛି ପୋଲିସ।
ଉକ୍ତ ଛାତ୍ରୀମାନେ ଛେଣ୍ଡିପଦାର ଏକ ନର୍ସିଂ କଲେଜରେ ପାଠ ପଢୁଥିଲେ। ନର୍ସିଂ କଲେଜରେ ଆଡମିସନ ପରେ ମଧ୍ୟ ଉକ୍ତ ୩ ଛାତ୍ରୀ ପରୀକ୍ଷାରୁ ବଞ୍ଚିତ ହୋଇଛନ୍ତି। ଏହାକୁ ନେଇ ଛାତ୍ରୀମାନେ ବ୍ୟଥିତ ହୋଇ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆତ୍ମାହୁତି ଦେବା ପାଇଁ ଆସିଥିଲେ। ତେବେ ପୋଲିସ ସେମାନଙ୍କୁ ଏଥିରୁ ନିବୃତ୍ତ କରିବାରେ ସଫଳ ହୋଇଛି।
