ଆଠମଲ୍ଲିକ : ପୋଖରୀରେ ବୁଡି ଜଣେ ମୃତ । ଅନୁଗୋଳ ଆଠମଲ୍ଲିକ ମହିଧରପୁର ଗାଁର ଶରତ ନାୟକଙ୍କ ମୃତ୍ୟୁ ହୋଇଛି । ପୋଖରୀରେ ଗାଧେଇବା ସମୟରେ ବୁଡିଯାଇଥିଲେ ଶରତ ।
ଖବର ଅନୁଯାୟୀ, ମହିଧରପୁର ଗ୍ରାମର ଶରତ ନାୟକ ତାଙ୍କୁ ବିଲକୁ ହଳ ଧରିବାକୁ ଯାଇଥିଲେ । ନିକଟରେ ଥିବା ପୋଖରୀରେ ଗାଧେଇବା ସମୟରେ ହଠାତ୍ ତାଙ୍କର ଗୋଡ଼ ଖସି ଯିବାରୁ ସେ ଗଭୀର ପାଣିକୁ ଚାଲି ଯାଇଥିଲେ । ଯାହାଫଳରେ ସେ ବୁଡି ଯାଇଥିଲେ । ଦିନ ୪ଟା ସୁଦ୍ଧା ଶରତ ଘରକୁ ନଫେରିବାରୁ ତାଙ୍କ ସ୍ତ୍ରୀ ବିଲ ନିକଟକୁ ଯାଇଥିଲେ । ସ୍ୱାମୀକୁ ନପାଇବାରୁ ନିକଟରେ ଥିବା ପୋଖରୀକୁ ଯାଇ ଦେଖିଥିଲେ । ସେଠାରେ ଶରତଙ୍କ ଲୁଗା ପୋଖରୀ ହୁଡ଼ାରେ ପଡିଥିଲା । ପରେ ଆଠମଲ୍ଲିକ ଅଗ୍ନିଶମ ବାହିନୀକୁ ଖବର ଦିଆଯାଇଥିଲା । ଆଠମଲ୍ଲିକ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ପୋଖରୀରୁ ଶରତଙ୍କ ମୃତଦେହ ଉଦ୍ଧାର କରିଥିଲା ।
