ବିଦେଶୀ ଶ୍ରମିକଙ୍କ ପାଇଁ ଭିସା ନିୟମରେ ବଡ଼ ପରିବର୍ତ୍ତନ କଲା ସାଉଦୀ ଆରବ, ଭାରତୀୟଙ୍କ ଉପରେ ପଡ଼ିବ ପ୍ରଭାବ

ନୂଆଦିଲ୍ଲୀ: କାମ ତଥା ବ୍ୟବସାୟ ପାଇଁ ଭାରତରୁ ଅନେକ ଲୋକ ସାଉଦୀ ଆରବ ଯାଇଥାନ୍ତି । ହେଲେ ଏବେ ସାଉଦୀ ଆରବ ତରଫରୁ ବିଦେଶକୁ କାମ ପାଇଁ ଯାଉଥିବା ଲୋକଙ୍କ ପାଇଁ ଭିସା ନିୟମରେ ବଡ଼ ପରିବର୍ତ୍ତନ କରିଛି ସାଉଦୀ । ଏହା ସହ ନିୟମ କଠୋର ମଧ୍ୟ କରିଛି । ତେବେ ସାଉଦୀ ଆରବର ଏହି ପଦକ୍ଷେପ ଦ୍ବାରା ଭାରତୀୟଙ୍କ ଉପରେ ଏହାର ପ୍ରଭାବ ପଡ଼ିପାରେ।

ସାଉଦୀ ଆରବ ମାନବ ସମ୍ବଳ ଏବଂ ସାମାଜିକ ବିକାଶ ମନ୍ତ୍ରାଳୟ ଅନୁଯାୟୀ, ନୂଆ ନିୟମ ଅନୁଯାୟୀ ଅବିବାହିତ ପୁରୁଷ କିମ୍ବା ମହିଳାଙ୍କ ପାଇଁ ସାଉଦୀ ଆରବରେ କାମ ପାଇଁ ବିଦେଶୀ ଶ୍ରମିକଙ୍କ ନିଯୁକ୍ତ କରିବା କଠୋର ହେବ। ନୂଆ ନିୟମ ଅନୁଯାୟୀ, ଏବେ କେହିବି ଅବିବାହିତ ସାଉଦୀ ନାଗରିକ ୨୪ ବର୍ଷ ପୂରଣ ହେବା ପରେ ହିଁ କେହି ବିଦେଶୀ ନାଗରିକଙ୍କୁ ଘରୋଇ କାମ ପାଇଁ ସେଠାରେ ଚାକିରିରେ ରଖିପାରିବ। ସାଉଦୀ ସରକାର ଏହି ସର୍ତ୍ତ ପୂରଣ ହେଲେ ହିଁ କେହି ବିଦେଶୀ କର୍ମଚାରୀଙ୍କୁ ଭିସା ଜାରି କରାଯିବ।

ଭାରତୀୟ ବିଦେଶ ମନ୍ତ୍ରାଳୟ ଅନୁଯାୟୀ, ସାଉଦୀ ଆରବରେ ପ୍ରାୟ ୨୬ ଲକ୍ଷ ଭାରତୀୟ କାମ କରୁଛନ୍ତି। ଏବେ ସାଉଦୀ ଆରବରେ ୨୪ ବର୍ଷରୁ କମ୍ ବୟସ ଅବିବାହିତ ନାଗରିକଙ୍କ ଘରେ ଭାରତୀୟଙ୍କ ସମେତ ବିଦେଶୀ ଶ୍ରମିକଙ୍କ ଘରୋଇ ଚାକିରି ଭାବରେ କାମ କରିପାରିବେ ନାହିଁ। ସାଉଦୀ ଆରବର ଏହି ନିଷ୍ପତ୍ତି ଭାରତ ପାଇଁ ମଧ୍ୟ ଖୁବ୍ ଜରୁରୀ। କାରଣ, ପ୍ରତିବର୍ଷ ବଡ଼ ଆକାରରେ ଭାରତୀୟ ନାଗରିକ କାମ ପାଇଁ ସାଉଦୀ ଆରବ ଯାଇଥାନ୍ତି। ଏଥିରେ ଅନେକ ଶ୍ରମିକ ଏଭଳି ଅଛନ୍ତି ଯେଉଁମାନଙ୍କ ବୟସ ୨୪ ବର୍ଷରୁ କମ୍।