ନୂଆଦିଲ୍ଲୀ : ଉତ୍ତରପ୍ରଦେଶ ପ୍ରୟାଗରାଜରେ ସୁପରଫାଷ୍ଟ ଏକ୍ସପ୍ରେସ ଲାଇନଚ୍ୟୁତ । ଗାଜିପୁରରୁ ଦିଲ୍ଲୀ ଯାଉଥିବା ସୁହେଲଦେବ ଏକ୍ସପ୍ରେସ ଟ୍ରାକରୁ ଖସିଛି । ଟ୍ରେନର ଦୁଇଟି ଡବା ଏବଂ ଇଂଜିନ ଟ୍ରାକରୁ ଖସିପଡିଛି । ତେବେ ଏହି ଘଟଣାରେ କେହି ହତାହତ ହୋଇନଥିବା ଖବର ମିଳିଛି । ପ୍ରୟାଗରାଜ ଷ୍ଟେସନରୁ ଛାଡ଼ିବା ପରେ ହଠାତ୍ ଟ୍ରାକର ତଳକୁ ଖସି ପଡିଥିଲା ।
ଉତ୍ତରପ୍ରଦେଶ ରେଲୱେ ପିଆରଓ ଏହି ଘଟଣାରେ କେହି ହତାହତ ହୋଇନଥିବା କହିଛନ୍ତି । ତେବେ ଦୁର୍ଘଟଣା ରାତି ୯ଟା ହୋଇଥିଲା । ଇଂଜିନ ସହିତ ଟ୍ରେନରୁ ଦୁଇଟି ବଗି ଟ୍ରାକରୁ ଖସିଯାଇଥିଲା । ତେବେ ଦୁର୍ଘଟଣା କେମିତି ହେଲା, ତାହା ଏପର୍ଯ୍ୟନ୍ତ ଜଣାପଡିନାହିଁ । ତେବେ ଦୁର୍ଘଟଣା ପରେ ମରାମତି କାର୍ଯ୍ୟ ଜାରି ରହିଛି ।
