ବେଙ୍ଗାଲୁରୁ: କର୍ଣ୍ଣାଟକର ସିଦ୍ଧରମୈୟା ସରକାରର ନୀତିକୁ ସମାଲୋଚନା କରି ଜଣେ ସରକାରୀ ଶିକ୍ଷକ ନିଲମ୍ବିତ ହୋଇଛନ୍ତି । ଶିକ୍ଷକ ଜଣକ ତାଙ୍କ ଫେସବୁକ୍ ପୋଷ୍ଟରେ କର୍ଣ୍ଣାଟକର ବିଭିନ୍ନ ସରକାର ସମୟରେ ଋଣ ପରିଣାମ ସମ୍ପର୍କରେ ଉଲ୍ଲେଖ କରିଥିଲେ। ସିଦ୍ଧରମୈୟାଙ୍କ ସମୟରେ ସବୁଠୁ ବେଶି ଋଣ ହୋଇଛି ବୋଲି ସେ ଅଭିଯୋଗ କରିଥିଲେ । ବିଶେଷ କରି ନୂଆ ସରକାରଙ୍କ ମାଗଣା ପ୍ରତିଶ୍ରୁତି ଉପରେ ଶିକ୍ଷକ ଜଣକ ପ୍ରଶ୍ନ ଉଠାଇଥିଲେ । ମାଗଣା ପ୍ରତିଶ୍ରୁତି ଯୋଗୁଁ ରାଜ୍ୟ ରାଜକୋଷ ଉପରେ ଋଣ ବୋଝ ବଢ଼ିବ ବୋଲି ସେ କହିଥିଲେ । ହେଲେ ଏହି ପୋଷ୍ଟ ପରେ ଶିକ୍ଷକଙ୍କୁ ନିଲମ୍ବିତ କରାଯାଇଛି।
ନିଲମ୍ବିତ ଶିକ୍ଷକ ତାଙ୍କ ପୋଷ୍ଟରେ କହିଥିଲେ ଯେ କ୍ରିଷ୍ଣାଙ୍କ ଠାରୁ ଶେଟ୍ଟରଙ୍କ ପର୍ଯ୍ୟନ୍ତ ମୁଖ୍ୟମନ୍ତ୍ରୀଙ୍କ ମାଧ୍ୟମରେ ନିଆଯାଇଥିବା ଋଣ ପରିଣାମ ୭୧,୩୩୧ କୋଟି ଟଙ୍କା ଥିଲା। କିନ୍ତୁ ସିଦ୍ଧରମୈୟାଙ୍କ କାର୍ଯ୍ୟକାଳ (୨୦୧୩-୧୮) ରେ ଏହା ୨,୪୨,୨୦୦ କୋଟିକୁ ବୃଦ୍ଧି ପାଇଥିଲା। ଏହାଛଡ଼ା ଶିକ୍ଷକ ଜଣକ ଏହି ପୋଷ୍ଟରେ ମାଗଣା ଯୋଜନା ଘୋଷଣା ନେଇ ସିଦ୍ଧରମୈୟାଙ୍କୁ ଭର୍ତ୍ସନା କରିଥିଲେ । ଶିକ୍ଷକଙ୍କ ନିଲମ୍ବନ ପ୍ରସଙ୍ଗରେ କର୍ଣ୍ଣାଟକର କଂଗ୍ରେସ ସରକାରକୁ ସମାଲୋଚନା କରିଛି ବିଜେପି ।
