ପୁଣି ୩ ମାସ ବଢିଲା ମାଗଣା ଆଧାର ଅପଡେଟ୍ ସମୟସୀମା

ନୂଆଦିଲ୍ଲୀ : କେନ୍ଦ୍ର ସରକାର ଆଧାର ତଥ୍ୟକୁ ମାଗଣାରେ ଅପଡେଟ୍ କରାଇବାର ଶେଷ ତାରିଖକୁ ୧୪ ଜୁନ୍ ପର୍ଯ୍ୟନ୍ତ ବଢାଇ ଦେଇଛନ୍ତି । ଏହା ପୂର୍ବରୁ ଏହି ସମୟ ସୀମା ୧୪ ମାର୍ଚ୍ଚ ଥିଲା । ଏବେ ୟୁଆଇଡିଏଆଇ ଦ୍ବାରା ୧୪ ଜୁନ୍ ପର୍ଯ୍ୟନ୍ତ ବଢାଇ ଦିଆଯାଇଛି ।

ପୂର୍ବରୁ ୟୁଆଇଡିଏଆଇ କହିଥିଲା କି ନାଗରିକଙ୍କ ତରଫରୁ ସକାରାତ୍ମକ ଜବାବ ମିଳିବା ପରେ ଆଧାରରେ ଏହି ସୁବିଧାକୁ ୩ ମାସ ପାଇଁ ବଢାଇବା ପାଇଁ ନିଷ୍ପତ୍ତି ନିଆଯାଇଛି ଯାହା ୧୫ ଡିସେମ୍ବର ୨୦୨୩ରୁ ଆରମ୍ଭ କରି ୧୪ ମାର୍ଚ୍ଚ ୨୦୨୪ ପର୍ଯ୍ୟନ୍ତ ରହିବ । ଏହି ଅନୁସାରେ ଦସ୍ତାବେଜ ଅପଡେଟର ସୁବିଧା ମାଇଁଆଧାର ପୋର୍ଟାଲ ଜରିଆରେ ମାଗଣାରେ ଜାରି ରହିବ । ଏବେ ସେହିଭଳି ସମସସୀମାକୁ ଆଉ ୩ ମାସ ଅର୍ଥାତ୍ ୧୪ ଜୁନ୍ ପର୍ଯ୍ୟନ୍ତ ବଢାଇ ଦିଆଯାଇଛି ।

ନାଁ, ଠିକଣା ଏବଂ ଅନ୍ୟ ବ୍ୟକ୍ତିଗତ ତଥ୍ୟକୁ ୟୁଆଇଡିଏଆଇର ଓ୍ବେବସାଇଟରେ ମାଗଣାରେ ଅପଡେଟ୍ କରାଯାଇହେବ । କିନ୍ତୁ ଏହି ଅପଡେସନ କମନ ସର୍ଭିସ ସେଣ୍ଟର୍ସରେ ମଧ୍ୟ କରିହେବ ଏବଂ ଏଥିପାଇଁ ୫୦ ଟଙ୍କା ପୈଠ କରିବାକୁ ହେବ । ତେଣୁ ଏହି ସମୟ ସୀମା ପୂର୍ବରୁ ଆପଣ ଏହାକୁ ଅପଡେଟ୍ କରିପାରିବେ । ଆପଣ ଆଧାରର ଅଫିସିଆଲ୍ ଓ୍ବେବସାଇଟ https://uidai.gov.in/ କୁ ଯାଇ ମଧ୍ୟ କରିପାରିବେ ।