କାର୍‌କୁ ଧକ୍କା ଦେଇ ଘୋଷାଡି ନେଲା ଟ୍ରକ୍ : ଅଳ୍ପକେ ବର୍ତ୍ତିଲେ ଚାଳକ

ପାଟଣା : କେନ୍ଦୁଝର ଜିଲା ତୁରୁମୁଙ୍ଗା ଥାନା ଅନ୍ତର୍ଗତ ୪୯ ନମ୍ବର ଜାତୀୟ ରାଜପଥର ଝାରବେଡା ନିକଟରେ ଦୁର୍ଘଟଣା । କାର୍‌କୁ ଧକ୍କା ଦେଇ ଘୋଷାଡି ନେଲା ଟ୍ରକ୍ । ଅଳ୍ପକେ ବର୍ତ୍ତିଗଲେ କାର୍ ଚାଳକ । ଦୁର୍ଘଟଣାରେ କାର୍‌ଟି ଚୁରମାର ହୋଇଯାଇଛି ।

ସୂଚନା ଯେ, ସର୍ଭିସ ରୋଡ଼ରୁ ଏନଏଚ ଉପରକୁ ଯାଉଥିବା କାରକୁ ଧକ୍କା ଦେଇ ଘୋଷାଡି ନେଲା ଟ୍ରକ୍ । ଦୁର୍ଘଟଣା ଫଳରେ କାର୍ ଡ୍ରାଇଭର ଅନୀଲ ସାହୁ ଅଳ୍ପକେ ବର୍ତ୍ତିଯାଇ ସାମାନ୍ୟ ଆହତ ହୋଇଛନ୍ତି । ଘଟଣାସ୍ଥଳରେ ତୁରୁମୁଙ୍ଗା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଦୁର୍ଘଟଣାଗ୍ରସ୍ତ ଦୁଇ ଗାଡିକୁ ଜବତ କରି ତଦନ୍ତ ଚଳାଇଛି ପୋଲିସ ।