ଆଠଗଡ : ଆଠଗଡ଼ ଥାନା ୬୫ ନମ୍ବର ରାଜ୍ୟ ରାଜପଥ ଆଠଗଡ଼-ନରସିଂହପୁର ରାସ୍ତା ନୂଆ ଆଙ୍କୁଲା ପେଟ୍ରୋଲ୍ ପମ୍ପ ନିକଟରେ ଭାରସାମ୍ୟ ହରାଇ ଓଲଟିପଡିଲା ଟ୍ରକ୍ । ଫଳରେ ଦୁର୍ଘଟଣାରେ ଡ୍ରାଇଭର୍ ଗୁରୁତର ଆହତ ହୋଇଥିଲା ବେଳେ ହେଲ୍ପର୍ ଗାଡ଼ି ତଳେ ଚାପିହୋଇ ମୃତ୍ୟୁ ହୋଇଛି ।
ସୂଚନାଥାଉକି, ପାରାଦୀପରୁ ଆସି ଟାଙ୍ଗୀ-ଚୌଦ୍ବାରରେ ଅନ୍ଲୋଡ୍ କରିବା ପରେ ଏହି ଟ୍ରକ୍ ନରସିଂହପୁର ଆଡ଼କୁ ଯାଉଥିଲା । ଆଙ୍କୁଲା ପେଟ୍ରୋଲ୍ ପମ୍ପ ନିକଟରେ ଭାରସାମ୍ୟ ହରାଇ ଗାଡ଼ି ଓଲଟି ପଡ଼ିଥିଲା । ଟ୍ରକ୍ ତଳେ ହେଲ୍ପର୍ ଜଗତସିଂହପୁର ଜିଲ୍ଲା ହାତିଆପାଳ ଅଞ୍ଚଳର ଶମ୍ଭୁ ମଣ୍ଡଳଙ୍କ ଚାପି ହୋଇ ମୃତ୍ୟୁ ହୋଇଛି ।
ଏହାସହ ଜଗତସିଂହପୁର ଜିଲ୍ଲା ଏରସମା ଅଞ୍ଚଳର ଡ୍ରାଇଭର ପ୍ରଳୟ ମିଶ୍ର ଗୁରୁତର ଆହତ ହୋଇଥିଲେ । ଖବର ପାଇ ପୋଲିସ ଓ ଦମକଳବାହିନୀ ଘଟଣାସ୍ଥଳରେ ପହଞ୍ଚି ପ୍ରଳୟଙ୍କୁ ଉଦ୍ଧାର କରି ଚିକିତ୍ସା ପାଇଁ ଆଠଗଡ଼ ଉପଖଣ୍ଡ ଚିକିତ୍ସାଳୟକୁ ପଠାଇଥିଲେ ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି।
