କାମାକ୍ଷାନଗର : ମା-ପୁଅଙ୍କ ଉପରେ ଚଢ଼ିଗଲା ଟ୍ରକ୍। ଶୋଇଥିବାବେଳେ ମାଡିଗଲା ଟ୍ରକ। ଢେଙ୍କାନାଳ କାମାକ୍ଷାନଗର ମହାବିରୋଡ ଥାନା କୁଟୁରିଆ ଯାତ୍ରାପଡିଆରେ ଏହି ଅଘଟଣ ଘଟିଛି। ମୃତକ ହେଲେ ମାଆ ରୁନୁ ପଧାନ ଓ ପୁଅ ଲିପୁ ପଧାନ।
ଗତକାଲି ରାତିରେ ରୁନୁ ପ୍ରଧାନ ପରିବାର ଲୋକଙ୍କ ସହ ଯାତ୍ରା ପଡିଆରେ ଶୋଇଥିବାବେଳେ ସେମାନଙ୍କ ଉପରେ ଟ୍ରକ ମାଡିଯାଇଥିଲା। ଘଟଣାସ୍ଥଳରେ ମାଆ ଓ ପୁଅଙ୍କ ମୃତ୍ୟୁ ହୋିଥିବାବେଳେ ଅନ୍ୟ ୪ଜଣ ଅଳ୍ପକେ ବର୍ତ୍ତି ଯାଇଛନ୍ତି। ଦୁର୍ଘଟଣାପରେ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି। ମୃତକଙ୍କ ଘର ବେଲବସନ୍ତ ଗାଁରେ । ସେମାନେ ଗାଁକୁ ଗାଁ ବୁଲି ମୂଳ ଲାଗି ପରିବାର ପ୍ରତିପୋଷଣ କରିଥାନ୍ତି। ରାତିରେ ଯାତ୍ରା ପଡିଆକୁ ଆସି ଶୋଇଥାନ୍ତି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି।
