ମୁମ୍ବାଇ : ଆଜିଠାରୁ ବାଜିବ ମହିଳା ପ୍ରିମିୟର ଲିଗ୍ (ଡବ୍ଲୁପିଏଲ) ବିଗୁଲ । ପ୍ରଥମ ସଂସ୍କରଣର ଉଦ୍ଘାଟନୀ ମୁକାବିଲାରେ ଗୁଜରାଟ ଜାଏଣ୍ଟସକୁ ଭେଟିବ ମୁମ୍ବାଇ ଇଣ୍ଡିଆନ୍ସ। ମୁମ୍ବାଇ ସ୍ଥିତ ଡି.ଓ୍ୱାଇ ପାଟିଲ୍ ଷ୍ଟାଡିୟମ୍ରେ ସନ୍ଧ୍ୟା ୭ଟା ୩୦ମିନିଟ ସମୟରେ ଖେଳାଯିବ ଏହି ମ୍ୟାଚ । ତେବେ ଉଦଘାଟନୀ ମ୍ୟାଚ୍ ପୂର୍ବରୁ ଏକ ରଙ୍ଗାରଙ୍ଗ କାର୍ଯ୍ୟକ୍ରମର ଆୟୋଜନ କରାଯିବ । ଏଥିରେ ମୁଖ୍ୟ ଆକର୍ଷଣ ସାଜିବେ ଅଭିନେତ୍ରୀ କ୍ରିତି ସାନୋନ, କିଆରା ଆଡ୍ଭାନୀ ଏବଂ ଏପି ଧିଲୋନ୍ । ଏହାବ୍ୟତୀତ ଅନେକ ନାମୀଦାମୀ କଳାକାରଙ୍କ ଝଲକ୍ ମଧ୍ୟ ଦେଖିବାକୁ ମିଳିବ ।
୨୩ ଦିନିଆ ଏହି ପ୍ରତିଯୋଗିତାରେ ଭାଗ ନେଉଥିବା ୫ ଦଳ ପରସ୍ପର ମଧ୍ୟରେ ୨ଟି ଲେଖାଏଁ ଲିଗ୍ ମ୍ୟାଚ୍ ଖେଳିବେ । ଗୋଟିଏ ଦଳ ଲିଗ୍ ପର୍ଯ୍ୟାୟରେ ୮ ମ୍ୟାଚ୍ ଖେଳିବ । ଲିଗ୍ ପରେ ଟେବୁଲର ଶୀର୍ଷ ଦଳ ସିଧାସଳଖ ଫାଇନାଲ୍କୁ ଯୋଗ୍ୟତା ଅର୍ଜନ କରିବ। ଦ୍ବିତୀୟ ଓ ତୃତୀୟ ଦଳ ମଧ୍ୟରେ ଏଲିମିନେଟର ଖେଳାଯିବ । ଏହାର ବିଜେତା ଦ୍ବିତୀୟ ଦଳ ଭାବେ ଫାଇନାଲ୍ରେ ପ୍ରବେଶ କରିବ । ମହରାଷ୍ଟ୍ରର ଦୁଇ ଷ୍ଟାଡିୟମ୍ ମୁମ୍ବାଇର ବ୍ରାବୋର୍ଣ୍ଣ ଏବଂ ନଭି ମୁମ୍ବାଇସ୍ଥିତ ଡିୱାଇ ପାଟିଲ ସ୍ପୋର୍ଟ୍ସ ଏକାଡେମୀରେ ଫାଇନାଲ୍, ଗୋଟିଏ ଏଲିମିନେଟର ଓ ୨୦ ଲିଗ୍ ମ୍ୟାଚ୍ ସହ ମୋଟ ୨୨ଟି ମ୍ୟାଚ୍ ଖେଳାଯିବ । ପ୍ରତ୍ୟେକ ମ୍ୟାଚ୍ ରାତି ୭ଟା ୩୦ମିନିଟ ସମୟରେ ଖେଳାଯିବାକୁ ଥିଲା ବେଳେ ଯେଉଁଦିନ ଦୁଇଟି ମ୍ୟାଚ୍ ଥିବ ପ୍ରଥମ ମ୍ୟାଚ୍ ଅପରାହ୍ନ ୩.୩୦ରେ ଆରମ୍ଭ ହେବ । ପ୍ରଥମ ୨୦ଟି ମ୍ୟାଚ୍ ପାଇଁ ଟିକେଟ୍ ମୂଲ୍ୟ ୧୦୦ ଟଙ୍କା ରଖା ଯାଇଛି । ମହିଳା ଓ ବାଳିକାମାନେ ମାଗଣାରେ ମ୍ୟାଚ୍ ଦେଖି ପାରିବେ ବୋଲି ପୂର୍ବରୁ ବିସିସିଆଇ ପକ୍ଷରୁ ଘୋଷଣା ହୋଇଛି । ମ୍ୟାଚ୍ ଗୁଡ଼ିକ ସ୍ପୋର୍ଟ୍ସ-୧୮ ନେଟ୍ୱାର୍କରେ ପ୍ରସାରଣ ହେବ । ଜିଓ ସିନେମା ଆପ୍ରେ ମଧ୍ୟ ଦର୍ଶକ ମ୍ୟାଚ୍ର ସିଧାପ୍ରସାରଣ ଦେଖି ପାରିବେ ।
ଗୁଜରାଟ ଜାଏଣ୍ଟ୍ସ :
ବେଥ ମୁନି (ଅଧିନାୟିକା), ଅଶ୍ୱିନୀ କୁମାରୀ, ହର୍ଲିନ ଦେଓଲ, ଡିଣ୍ଡ୍ରା ଡଟିନ୍, ସୋଫିଆ ଡଙ୍କ୍ଲୀ, ହର୍ଲୀ ଗାଲା, ଏସଲେ୍ ଗାର୍ଡନର, ଦୟାଲନ୍ ହେମଲତା, ମାନସୀ ଯୋଶୀ, ତନୁଜା କନୱାର, ସାବିନେନି ମେଘନା, ମୋନିକା ପଟେଲ, ସ୍ନେହ ରାଣା, ସବନମ୍ ଏମ୍ଡି, ପାରୁଣିକା ସିସୋଦିଆ, ଆନାବେଲ ସୁଦରଲାଣ୍ଡ୍, ସୁଷମା ବର୍ମା, ଜର୍ଜିୟା ୱେୟାରହାମ୍ ।
ମୁମ୍ବାଇ ଇଣ୍ଡିଆନ୍ସ :
ହର୍ମନପ୍ରୀତ କୌର (ଅଧିନାୟିକା), ପ୍ରିୟଙ୍କା ବାଲା, ୟସ୍ତିକା ଭାଟିଆ, ନୀଲମ ବିଷ୍ଟ, ହିଦର ଗ୍ରାହାମ, ଧାରା ଗୁଜ୍ଜର, ସାଇକା ଇସାକ୍, ଜିଣ୍ଟିମଣୀ କାଲିତା, ଅମନଜୋତ କୌର, ହୁମାଇରା କାଜି, ଆମେଲିୟା କେର, ହାୟଲୀ ମାଥ୍ୟୁସ, ନାଟାଲି ସାଇବର-ବ୍ରୁଣ୍ଟ, କ୍ଲୋଏ ଟ୍ରାୟନ୍, ପୂଜା ଭସ୍ତ୍ରକାର, ଇସି ୱଙ୍ଗ୍, ସୋନମ ଯାଦବ ।
