ପୁରୀ : ପୁରୀରେ ଅଘଟଣ । ପୁରୀ ଚକ୍ରତୀର୍ଥ ରୋଡ ସ୍ଥିତ ନୀଳାଚଳ ହୋଟେଲର ତିନି ମହଲା ଛାତରୁ ଖସି ପର୍ଯ୍ୟଟକଙ୍କ ମୃତ୍ୟୁ । ମୃତ ପର୍ଯ୍ୟଟକ ଜଣକ ଛତିଶଗଡ଼ର ଅଶୋକ ଅଗ୍ରଓ୍ୱାଲ ବୋଲି ଜଣାପଡିଛି ।
ସୂଚନା ଯେ, ଇଂରାଜୀ ନବବର୍ଷ ୨୦୨୩ ଲାଗି ଛତିଶଗଡ଼ରୁ ପୁରୀ ବୁଲିବାକୁ ଆସିଥିଲେ ଅଶୋକ ଅଗ୍ରଓ୍ୱାଲ୍ । ପୁରୀ ଚକ୍ରତୀର୍ଥ ରୋଡ ସ୍ଥିତ ନୀଳାଚଳ ହୋଟେଲରେ ରହୁଥିଲେ । ହେଲେ ମଙ୍ଗଳବାର ସକାଳେ ତିନି ମହଲା ଉପରେ ଥିବା ବେଳେ ହଠାତ୍ ଛାତରୁ ଖସି ପଡିଥିଲେ । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା ।
ଅନ୍ୟପଟେ ମୃତ୍ୟୁ ଖବର ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛି । ଏପିରିକି କେଉଁଭଳି ପରିସ୍ଥିତିରେ ଏପରି ଅଘଟଣ ଘଟିଲା ସେନେଇ ଖୋଳତାଡ ଜାରି ରଖିଛି । ଆବଶ୍ୟକ ପଡିଲେ ସାଇଣ୍ଟିଫିକ୍ ଟିମ୍ର ସହଯୋଗ ନେଇପାରେ ପୋଲିସ ।
