ବାଲେଶ୍ବର : ପୁଣି ଅଶାନ୍ତ ବାଲେଶ୍ବର। ପୂର୍ବ ଶତ୍ରୁତାରୁ ସହଦେବଖୁଣ୍ଟା ଥାନା ଅଞ୍ଚଳର ଶୋଭାରାମପୁରରେ ଗୁଳିକାଣ୍ଡ। ଗୁଳିମାଡ଼ରେ ଜଣେ ଯୁବକ ଗୁରୁତର। ଗୁରୁତର ଅବସ୍ଥାରେ ବାଲେଶ୍ବର ଡାକ୍ତରଖାନାରେ ଭର୍ତ୍ତି । ଗୁରୁତର ଯୁବକ ଜଣକ ହେଲେ ବିନୟ କୁମାର ବିହାରୀ।
ଆଜି ସଂଧ୍ୟାରେ ବିନୟ ଗାଣର ଅନ୍ଧାରୀ ମଙ୍ଗଳା ଠାକୁରାଣୀ ଗଳିରେ ଆସୁଥିବା ବେଳେ ତାଙ୍କ ଉପରେ ଗୁଳିମାଡ଼ ହୋଇଥିଲା। ଗୁଳି ବିନୟର ଡାହାଣ ହାତରେ ବାଜିଛି। ଘଟଣାସ୍ଥଳରେ ସହଦେବଖୁଣ୍ଟା ଥାନା ପୋଲିସ ତନାଘନା ଆରମ୍ଭ କରିଛି। ଗୁଳି ମାଡ଼ କରିଥିବା ଦୁର୍ବୃତ୍ତକୁ ଚିହ୍ନଟ କରିଛି ପୋଲିସ। ଗୁଳିମାଡ଼ ପଛରେ ପୂର୍ବଶତ୍ରୁତା ଓ ଦାଦାବଟିକୁ ସନ୍ଦେହ କରିଛି ପୋଲିସ।
