ନୟାଗଡ : ୧୨ ଗ୍ରାମ୍ ବ୍ରାଉନସୁଗାର ଜବତ , ୩ ଗିରଫ । ଅଭିଯୁକ୍ତମାନଙ୍କ ଠାରୁ ଗୋଟିଏ ବାଇକ୍ ମଧ୍ୟ ଜବତ କରିଛି ଇଟାମାଟି ଥାନା ପୋଲିସ । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୧ଲକ୍ଷ ୨୦ ହଜାର ଟଙ୍କା ହେବ ବୋଲି ପୋଲିସ କହିଛି ।
ବିଶେଷସୂତ୍ରରୁ ଖବରପାଇ ରବିବାର ସନ୍ଧ୍ୟାରେ ଇଟାମାଟି ପୋଲିସ ପ୍ରତାପପ୍ରସାଦ ନିକଟ ଭୈରବୀ ମନ୍ଦିର ପାଖରେ ଅଭିଯୁକ୍ତମାନେ ବୁଲୁଥିବା ସମୟରେ ସେମାନଙ୍କୁ ଖାନତଲାସି କରିବାପରେ ବ୍ରାଉନସୁଗାର ମିଳିଥିଲା । ଅଭିଯୁକ୍ତମାନେ ନୟାଗଡ ଟାଉନଥାନା ଦୁର୍ଗାପ୍ରସାଦ ଗାଁର ରମେଶ ଜେନା , ରବି ପ୍ରଧାନ ଏବଂ ଟୁକୁନା ରାଉତ । ଅଭିଯୁକ୍ତମାନେ ବାଇକରେ ଯାଇ ବିଭିନ୍ନ ସ୍ଥାନରେ ବ୍ରାଉନସୁଗାର ବିକ୍ରି କରୁଥିଲେ ବୋଲି ପୋଲିସ ସୂଚନା ଦେଇଛି । ଅଭିଯୁକ୍ତମାନଙ୍କୁ ଆଜି କୋର୍ଟ ଚାଲାଣ କରାଯିବ ବୋଲି ଇଟାମାଟି ଥାନାଅଧିକାରୀ ଦିଲ୍ଲୀପ ସ୍ୱାଇଁ ସୂଚନା ଦେଇଛନ୍ତି ।
