ନୂଆଦିଲ୍ଲୀ : ଭାରତ-ବାଂଲାଦେଶ ମଧ୍ୟରେ ୨ୟ ଟି-୨୦ ମ୍ୟାଚ ବୁଧବାର ଅନୁଷ୍ଠିତ ହୋଇଛି। ଭାରତ ପ୍ରଥମେ ବ୍ୟାଟିଂ କରି ଭ୍ରମଣକାରୀ ଦଳକୁ ୨୨୨ ରନର ଟାର୍ଗେଟ ଦେଇଛି। ନିତିଶ ରେଡ୍ଡୀଙ୍କ ଜବରଦସ୍ତ ୭୪(୩୪) ଏବଂ ରିଙ୍କୁ ସିଂହଙ୍କ ୫୩(୨୯) ରନର ଅର୍ଦ୍ଧଶତକୀୟ ଇନିଂସ ବଳରେ ଭାରତ ନିର୍ଦ୍ଧାରିତ ୨୦ ଓଭରରେ ୯ ଓ୍ବିକେଟ ବିନିମୟରେ ୨୨୧ କରିବାର ସଫଳ ହୋଇଛି।09
ଭାରତ ପ୍ରଥମେ ବ୍ୟାଟିଂ କରି ବିପର୍ଯ୍ୟୟର ସମ୍ମୁଖୀନ ହୋଇଥିଲା। ଦଳ ପ୍ରଥମ ୩ ଓଭରରେ ୪୧ ରନ କରି ମୂଲ୍ୟବାନ ୩ ଓ୍ବିକେଟ ହରାଇଥିଲା। ଏହି ସମୟରେ ନିତିଶ ଏବଂ ରିଙ୍କୁ ଧୈର୍ଯ୍ୟର ସହିତ ଆକ୍ରମଣାତ୍ମକ ଢଙ୍ଗରେ ଖେଳି ଦଳକୁ ବିଶାଳ ସ୍କୋର ଅଭିମୁଖେ ନେଇଟାଇଥିଲେ। ହାର୍ଦ୍ଦିକ ପାଣ୍ଡ୍ୟା ବି ୧୯ ବଲରେ ୩୨ ରନ ସଂଗ୍ରହ କରିଥିଲେ। ବାଂଲାଦେଶ ପକ୍ଷରୁ ରିଶଦ ହୋସେନ ସର୍ବାଧିକ ୩ ଓ୍ବିକେଟ ନେଇଥିବାବେଳେ ଟସ୍କିନ ଅହମ୍ମଦ, ଜାନଜିମ ହସନ ସକିବ ଏବଂ ମୁସ୍ତାଫିଜୁର ରହମନ ୨ଟି ଲେଖାଏ ଉଇକେଟ ନେଇଥିଲେ।
