ନୀଳଗିରି : ବାଲେଶ୍ଵର ଜିଲା ନୀଳଗିରି କୁଲଡିହା ଅଭୟାରଣ୍ୟରେ ପୁଣି ଏକ ହାତୀର ମୃତ୍ୟୁ । କୁଲଡିହା ଅଭୟାରଣ୍ୟ ବିଷ୍ଣୁପୁର ପାହାଡ଼ ସାରୁଚୁଆ ନିକଟରେ ଏକ ହାତୀର ମୃତ୍ୟୁ ହୋଇଥିବା ବନ ବିଭାଗ ଖବର ପାଇଥିଲା। ଡିଫଏଓ ଖୁସମନ୍ତ ସିଂହ, ରେଞ୍ଜର ପ୍ରବୀର ମୁର୍ମୁଙ୍କ ସହିତ ହାତୀଖୁଲିଆ ଫରେଷ୍ଟର, ଗାର୍ଡ ଓ ସବୁଜବାହିନୀ ଯାଇ ଘଟଣାସ୍ଥଳରେ ପହଞ୍ଚିଥିଲେ । ହାତୀର ପାରିପାର୍ଶ୍ଵକ ସ୍ଥିତି ଦେଖି କିଭଳି ମୃତ୍ୟୁ ହୋଇଛି ଏନେଇ ସ୍ପଷ୍ଟ ସୂଚନା ଦେଇନି ବନ ବିଭାଗ ।
ସୂଚନା ଯେ, ଗତବର୍ଷ ଗୋଟିଏ ବର୍ଷରେ ୯ଟି ହାତୀ ମୃତ୍ୟୁ ପରେ ହାତୀଙ୍କୁ ସୁରକ୍ଷା ଦେବାରେ ବନ ବିଭାଗ ବିଫଳ ନେଇ ଅଭିଯୋଗ ଉଠିଥିଲା । ପୁଣି ନୂଆବର୍ଷ ଆରମ୍ଭରୁ ହାତୀ ମରିବା ଖବର ଆସିବା ପରେ ଅଞ୍ଚଳବାସୀ ତୀବ୍ର ଅସନ୍ତୋଷ ପ୍ରକାଶ କରି ଦକ୍ଷ ଅଧିକାରୀଙ୍କୁ ନିୟୋଜିତ କରିବାକୁ ଦାବି କରାଯାଇଛି ।
