ଭୁବନେଶ୍ୱର : ଦୀର୍ଘ ପ୍ରତିକ୍ଷାର ଅନ୍ତ । ପୂରଣ ହେଲା କୋରାପୁଟ ଜିଲାବାସୀଙ୍କ ସ୍ୱପ୍ନ । ଆଜିଠୁ ବହୁପ୍ରତିକ୍ଷୀତ ଜୟପୁରକୁ ବିମାନ ସେବା ଆରମ୍ଭ ହୋଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପତାକା ଦେଖାଇ ଜୟପୁରକୁ ବିମାନ ସେବା ଆରମ୍ଭ କରିଛନ୍ତି ।
ଭୁବନେଶ୍ୱର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରେ ବିମାନ ସେବାର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ । ଭୁବନେଶ୍ୱରରୁ ଜୟପୁରକୁ ଉଡ଼ିଛି ଇଣ୍ଡିଆ ଓ୍ୱାନ୍ ଏୟାର ବିମାନ । ଏହି ବିମାନରେ ୯ଟି ସିଟ୍ ରହିଛି । ପ୍ରତ୍ୟେକ ଟିକଟର ମୂଲ୍ୟ ୯୯୯ଟଙ୍କା ରହିଥିବା ସୂଚନା ଦିଆଯାଇଛି ।
