କଟକ : ବାହାନଗା ଟ୍ରେନ ଟ୍ରାଜେଡିରେ ମୃତ୍ୟୁ ସଂଖ୍ୟା ୨୯୦କୁ ବୃଦ୍ଧି ପାଇଛି। ଚିକିତ୍ସାଧୀନ ଅବସ୍ଥାରେ ଆଉ ଜଣେ ଆହତ ଯାତ୍ରୀ ଆଖି ବୁଝିଛନ୍ତି। ସେ କଟକ ଏସସିବିରେ ଚିକିତ୍ସିତ ହେଉଥିଲେ । ମୃତକ ଜଣକ ବିହାରର ପ୍ରକାଶ ରାଜ ବୋଲି ଜଣାପଡିଛି। ସେ ସର୍ଜରୀ ୱାର୍ଡରେ ଚିକିତ୍ସାଧୀନ ଥିଲେ । ଏସସିବିରେ ଚିକିତ୍ସାଧୀନ ଅବସ୍ଥାରେ ପୂର୍ବରୁ ଜଣଙ୍କ ମୃତ୍ୟୁ ହୋଇଥିଲା । ସେ ମଧ୍ୟ ବିହାର ବାସିନ୍ଦା ଥିଲେ ।
ସୂଚନା ଯେ, ଗତ କିଛି ଦିନ ତଳେ କଟକ ଏସିବିରେ ଚିକିତ୍ସିତ ଅବସ୍ଥା ରେ ଜଣଙ୍କର ମୃତ୍ୟୁ ହେଇଥିଲା । ଆଜି ସକାଳ ସମୟରେ ଆଉ ଜଣଙ୍କର ମୃତ୍ୟୁ ଘଟିଛି।ଏହାକୁ ମିସାଇ କଟକ ଏସସିବି ବଡ଼ ମେଡ଼ିକାଲରେ ଟ୍ରେନ ଦୃର୍ଘଟଣାରେ ଆସିଥିବା ଆହତଙ୍କ ମଧ୍ୟରୁ ୨ ଜଣଙ୍କର ମୃତ୍ୟୁ ଘଟିଛି । ଏହି ଟ୍ରେନ ଦୃର୍ଘଟଣାରେ ସମୁଦାୟ ୨୯୦କୁ ମୃତ୍ୟୁ ସଂଖ୍ୟା ପହଁଚିଛି।
