ନୂଆଦିଲ୍ଲୀ : ରାଜସ୍ଥାନର ଭରତପୁରରେ ମଧ୍ୟ ଏକ ବିମାନ କ୍ରାଶ୍ ହେବା ଖବର ରହିଛି । ଗଣମାଧ୍ୟମ ରିପୋର୍ଟରେ ଏହି ବିମାନ ବାୟୁସେନାର ଯୁଦ୍ଧ ବିମାନ ବୋଲି କୁହାଯାଇଛି । କିନ୍ତୁ ଭରତପୁରର ଡିସି ଆଲୋକ ରଂଜନ ଏହା ଏକ ଚାର୍ଟାର୍ଡ ବିମାନ ବୋଲି କହିଛନ୍ତି।
ସୂଚନା ଯେ, ଜିଲାର ପିଙ୍ଗୋରା ରେଳ ଷ୍ଟେସନ ନିକଟ ଭରତପୁରରେ ଏହି ଦୁର୍ଘଟଣା ଘଟିଛି। ସ୍ଥାନୀୟ ଲୋକଙ୍କ କହିବା ଅନୁସାରେ ଆକାଶରେ ହିଁ ବିମାନରେ ନିଆଁ ଲାଗି ଯାଇଥିଲା । ଏହି ଘଟଣାରେ ମୃତାହତ ସମ୍ପର୍କରେ କିଛି ସୂଚନା ନାହିଁ । ପୋଲିସ ଏବଂ ପ୍ରଶାସନ ଦଳ ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
