ନୂଆଦିଲ୍ଲୀ: ବିହାରରେ ଶାସକ ଜନତା ଦଳ ୟୁନାଇଟେଡ୍(ଜେଡିୟୁ)ର ପୂର୍ବତନ ନେତା ଅଜୟ ଆଲୋକ ଶୁକ୍ରବାର କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ଉପସ୍ଥିତିରେ ବିଜେପିରେ ଯୋଗ ଦେଇଛନ୍ତି।
ଅଜୟ ଆଲୋକ ଗଣମାଧ୍ୟମକୁ କହିଛନ୍ତି ଯେ, ବିଜେପିରେ ଯୋଗଦେବା ପରିବାରକୁ ଆସିବା ଭଳି। ସେ କହିଛନ୍ତି ଯେ ସେ ‘ମୋଦୀ ମିଶନ’ରେ ସହଯୋଗ କରିବେ।
ସୂଚନା ଯେ, ଅଜୟ ଆଲୋକ ଗତ ବର୍ଷ ଜେଡିୟୁରୁ ବହିଷ୍କୃତ ହୋଇଥିଲେ। ପେସାରେ ଜଣେ ଡାକ୍ତର ଅଜୟ ଆଲୋକଙ୍କୁ ଅନେକ ସମୟରେ ନ୍ୟୁଜ୍ ଚ୍ୟାନେଲ୍ ବିତର୍କରେ ଦେଖିବାକୁ ମିଳୁଥିଲା। ତାଙ୍କୁ ବିଜେପିର ନିକଟତର ବିବେଚନା କରାଯାଉଥିଲା। ଆଗାମୀ ଦିନରେ ଆହୁରି ଅନେକ ନେତା ଜେଡିୟୁ ଛାଡିବେ ବୋଲି ସେ ଦାବି କରିଛନ୍ତି।
