ପ୍ରକାଶ ପାଇଲା ଆଇସିଏସ୍‌ଇ ଦଶମ ଓ ଦ୍ୱାଦଶ ରେଜଲ୍ଟ

ନୂଆଦିଲ୍ଲୀ: କାଉନସିଲ ଫର୍ ଦି ଇଣ୍ଡିଆନ୍ ସ୍ପୁଲ ସାର୍ଟିଫିକେଟ୍ ଏକ୍ଜାମିନେସନ୍ ( ସିଆଏସସିଇ) ଦ୍ଵାରା ପରିଚାଳିତ ଆଇସିଏସଇର ଦଶମ ଓ ଆଇଏସସି ଦ୍ଵାଦଶ ପରୀକ୍ଷା ଫଳ ପ୍ରକାଶ ପାଇଛି। cisce.org ଏବଂ results.cisce.org ଓ୍ବେବସାଇଟ୍‌ ରେ ଛାତ୍ରଛାତ୍ରୀମାନେ ନିଜ ନିଜର ରେଜଲ୍ଟ ଦେଖିପାରିବେ। ଦଶମରେ ୯୯. ୪୭ ଏବଂ ଦ୍ୱାଦଶରେ ୯୮.୧୯ ପ୍ରତିଶତ ପାସ୍ ହାର ରହିଛି। ଉଭୟ ଦଶମ ଏବଂ ଦ୍ଵାଦଶରେ ଛାତ୍ରୀମାନେ ଯଥାକ୍ରମେ ୯୯.୬୫ ଏବଂ ୯୮.୯୨ ପ୍ରତିଶତ ପାସ୍ କରିଛନ୍ତି। ଚଳିତ ବର୍ଷ ଦଶମ ଏବଂ ଦ୍ଵାଦଶ ଶ୍ରେଣୀ ପାଇଁ ମୋଟ୍ ୩.୪୩ ଲକ୍ଷ ଛାତ୍ରଛାତ୍ରୀ ପରୀକ୍ଷା ଦେଇଥିଲେ। ଦଶମ ଶ୍ରେଣୀରେ ୧ଲକ୍ଷ ୩୦ ହଜାର ୫୦୬ ଛାତ୍ର ଏବଂ ୧ ଲକ୍ଷ ୧୩ ହଜାର ୧୧୧ ଛାତ୍ରୀ ପରୀକ୍ଷା ଦେଇଥିଲେ। ଦ୍ଵାଦଶ ଶ୍ରେଣୀରେ ୪୭ ହଜାର ୧୩୬ ଛାତ୍ରୀ ପରୀକ୍ଷା ଦେଇଥିବାବେଳେ ସେଥିରୁ ୪୬ ହଜାର ୬୨୬ ଛାତ୍ରୀ ପାସ୍ କରିଛନ୍ତି । ସେହିପରି ଚଳିତବର୍ଷ ୫୨, ୭୬୫ ଛାତ୍ର ପରୀକ୍ଷା ଦେଇଥିବାବେଳେ ୫୧ ହଜାର ୪୬୨ଜଣ ଛତ୍ର ପାସ୍ କରିଛନ୍ତି। ତେବେ ଚଳିତବର୍ଷ ଉଭୟ ଦଶମ ଏବଂ ଦ୍ଵାଦଶରେ ଛାତ୍ରଙ୍କ ଠାରୁ ଛାତ୍ରୀଙ୍କ ପାସ୍ ହାର ଅଧିକ ରହିଛି।