ଭୁବନେଶ୍ୱର : ଇଂରାଜୀ ନୂଆବର୍ଷ ସୋମବାର ପଡୁଥିବାରୁ ଖୋଲା ରହିବ ନନ୍ଦନକାନନ। ଏହାଦ୍ୱାରା ପର୍ଯ୍ୟଟକମାନେ ନୂଆବର୍ଷରେ ନନ୍ଦନକାନନର ପ୍ରାଣୀ ଉଦ୍ୟାନକୁ ଆସି ବୁଲିପାରିବେ ଓ ଉପଭୋଗ କରିପାରିବେ। ସେଥିପାଇଁ ସୋମବାର ପରିବର୍ତ୍ତେ ମଙ୍ଗଳବାର ବନ୍ଦ ରହିବ ନନ୍ଦନକାନନ। ଏନେଇ ନନ୍ଦନକାନନ କର୍ତ୍ତୃପକ୍ଷ ସୂଚନା ଦେଇଛନ୍ତି।
ପ୍ରକାଶଥାଉକି- ଗତ ୨୫ ତାରିଖ ବଡ଼ଦିନ ପର୍ବ ତଥା ଖ୍ରୀଷ୍ଟମାସ ପଡୁଥିବାରୁ ସୋମବାର ନନ୍ଦନକାନନ ଖୋଲା ରହିଥିଲା। ସକାଳୁ ସକାଳୁ ପ୍ରାଣୀ ଉଦ୍ୟାନରେ ଭିଡ଼ ଜମିଥିଲା। । ତେବେ ଆଗାମୀ ନୂଆବର୍ଷ ଦିନ ୫୦ ହଜାରରୁ ଅଧିକ ପର୍ଯ୍ୟଟକଙ୍କ ସମାଗମ ଆକଳନ କରାଯାଇଛି। ଏଥିପାଇଁ ବ୍ୟାପକ ବ୍ୟବସ୍ଥା ହୋଇଛି। ବୋଟିଂ, ରୋପ୍ ୱେ, ହୁଲକ୍ ଗିବନ୍ ପର୍ଯ୍ୟଟକଙ୍କ ପାଇଁ ମୁଖ୍ୟ ଆକର୍ଷଣ ହେବ।
