ନୂଆଦିଲ୍ଲୀ: ଜାତୀୟ ରାଜପଥ ପ୍ରାଧିକରଣ (ଏନ୍ଏଚ୍ଏଆଇ) ପେଟିଏମ୍ ଫାଷ୍ଟଟ୍ୟାଗ୍ ଗ୍ରାହକଙ୍କୁ ମାର୍ଚ୍ଚ ୧୫ ପୂର୍ବରୁ ଅନ୍ୟ ଏକ ବ୍ୟାଙ୍କରୁ ନୂଆ ଫାଷ୍ଟଟ୍ୟାଗ୍ ନେବାକୁ ପରାମର୍ଶ ଦେଇଛି ।
ଜାରି ଏକ ବିବୃତ୍ତିରେ ଏନ୍ଏଚ୍ଏଆଇ କହିଛି, ପେଟିଏମ୍ ପେମେଣ୍ଟସ୍ ବ୍ୟାଙ୍କ ଉପରେ ଭାରତୀୟ ରିଜର୍ଭ ବ୍ୟାଙ୍କର କଟକଣା ସଂକ୍ରାନ୍ତ ଗାଇଡଲାଇନ ଅନୁସାରେ ମାର୍ଚ୍ଚ ୧୫, ୨୦୨୪ ପରେ ପେଟିଏମ୍ ଫାଷ୍ଟଟ୍ୟାଗ୍ ବ୍ୟବହାରକାରୀଙ୍କୁ ଆଉ ରିଚାର୍ଜ କିମ୍ବା ଟପ୍-ଅପ୍ ବିକଳ୍ପ ମିଳିବ ନାହିଁ। ତେଣୁ ଜାତୀୟ ରାଜପଥରେ ଯାତ୍ରା କରିବା ସମୟରେ ଜରିମାନା କିମ୍ବା ଦୁଇଗୁଣ ଟୋଲ ପୈଠରୁ ବର୍ତ୍ତିବା ପାଇଁ ମାର୍ଚ୍ଚ ୧୫ ପୂର୍ବରୁ ଏକ ଅନ୍ୟ ବ୍ୟାଙ୍କରୁ ନୂଆ ଫାଷ୍ଟଟ୍ୟାଗ୍ ନିଅନ୍ତୁ ।
ଅବଶ୍ୟ ପେଟିଏମ୍ ଫାଷ୍ଟଟ୍ୟାଗ୍ ବ୍ୟବହାରକାରୀ ଧାର୍ଯ୍ୟ ତାରିଖ ପରେ ମଧ୍ୟ ଟୋଲ୍ ପୈଠ ପାଇଁ ସେମାନଙ୍କ ବାକିଥିବା ବାଲାନ୍ସ ବ୍ୟବହାର କରିପାରିବେ ବୋଲି ଏଥିରେ କୁହାଯାଇଛି।
ଏନ୍ଏଚ୍ଏଆଇ ମଧ୍ୟ ପେଟିଏମ୍ ଫାଷ୍ଟଟ୍ୟାଗ୍ ଗ୍ରାହକଙ୍କୁ ନିଜ ନିଜ ବ୍ୟାଙ୍କରେ ପହଞ୍ଚିବାକୁ ଓ ଆଇଏଚଏମସିଏଲ୍ (ଇଣ୍ଡିଆନ୍ ହାଇୱେ ମ୍ୟାନେଜମେଣ୍ଟ କମ୍ପାନୀ ଲିମିଟେଡ୍) ୱେବସାଇଟରେ ଦିଆଯାଇଥିବା ଏଫ୍ଏକ୍ୟୁ (ବାରମ୍ବାର ପଚରାଯାଉଥିବା ପ୍ରଶ୍ନ) ଦେଖିବାକୁ ପରାମର୍ଶ ଦେଇଛି |
