ଗ୍ୟାଙ୍ଗ୍ଟକ୍ : ସିକ୍କିମ ଗସ୍ତ ବେଳେ ଷ୍ଟେଜ୍ ଉପରେ ଲୋକନୃତ୍ୟ କଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ସିକ୍କିମ ମୁଖ୍ୟମନ୍ତ୍ରୀ ପ୍ରେମ ସିଂହ ତମାଙ୍ଗ ପତ୍ନୀ କ୍ରୀଷ୍ଣା ରାଏଙ୍କ ସହ ଲୋକନୃତ୍ୟ କରଛନ୍ତି । ବର୍ତ୍ତମାନ ସିକ୍କିମ ଗସ୍ତରେ ରହିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ।
ରାଷ୍ଟ୍ରପତି ଦ୍ରୌପଦୀ ମୁର୍ମୁ ବର୍ତ୍ତମାନ ସିକିମ ଗସ୍ତରେ ଅଛନ୍ତି। ସେ ସେଠାରେ ସିକିମ ସରକାରଙ୍କଠାରୁ ନାଗରିକ ସମ୍ବର୍ଦ୍ଧନା ଗ୍ରହଣ କରିଛନ୍ତି। ଏଥିସହିତ ସେ ବିଭିନ୍ନ ପ୍ରକଳ୍ପର ମଧ୍ୟ ଉଦଘାଟନ କରିଛନ୍ତି। ଗାଂଗଟକରେ ରାଷ୍ଟ୍ରପତିଙ୍କୁ ସମ୍ବର୍ଦ୍ଧନା ଦେବା ପାଇଁ ସେଠାରେ ଏକ ନୃତ୍ୟ ଉତ୍ସବର ମଧ୍ୟ ଆୟୋଜନ କରାଯାଇଥିଲା। ରାଷ୍ଟ୍ରପତି ଏହି ନୃତ୍ୟ ଉତ୍ସବ ଦେଖିବା ପାଇଁ ରାଜ୍ୟ ପ୍ରମୁଖ ନୃତ୍ୟଶିଳ୍ପୀଙ୍କୁ ଡକାଯାଇଥିଲା। ତେବେ ଏହି ନୃତ୍ୟ ମଧ୍ୟରେ ସିକିମ ମୁଖ୍ୟମନ୍ତ୍ରୀଙ୍କ ପତ୍ନୀ କ୍ରିଷ୍ଣା ରାୟ ରାଷ୍ଟ୍ରପତିଙ୍କୁ ନୃତ୍ୟ କରିବା ପାଇଁ ଅନୁରୋଧ କରିଥିଲେ। ଫଳରେ ନୃତ୍ୟଶିଳ୍ପୀଙ୍କ ଗହଣରେ ରାଷ୍ଟ୍ରପତି ଏବଂ ରାୟ ଉଭୟ ତାଳରେ ତାଳ ମିଶାଇ ନୃତ୍ୟ କରିଥିଲେ। ଯାହା ସେଠାରେ ଉପସ୍ଥିତ ଦର୍ଶକଙ୍କୁ ବେଶ ଆମୋଦିତ କରିଥିଲା। ଏହି ନୃତ୍ୟଟି ସିକିମ ରାଜ୍ୟର ସଂସ୍କୃତି, ସୌନ୍ଦର୍ଯ୍ୟ, ଏକତା ଉପରେ ଆଧାରିତ ଥିଲା।
