ପୁରୀ: ମହାମହିମ ରାଷ୍ଟ୍ରପତି ଦୌପଦୀ ମୁର୍ମୁ ଆଜି ସକାଳୁ ପୁରୀ ସମୁଦ୍ର କୂଳରେ ମର୍ଣ୍ଣିଂ ୱାକ୍ କରିଛନ୍ତି । ରାଷ୍ଟ୍ରପତି ପୁରୀ ବେଳାଭୂମିରେ କିଛିବାଟ ଚଲାବୁଲା କରିଥିଲେ । ଏହାପରେ ସମୁଦ୍ର କୂଳରେ କିଛି ସମୟ ଅତିବାହିତ କଲାପରେ ସେ ପୁରୀ ରାଜଭବନକୁ ଫେରିଥିଲେ । ରାଷ୍ଟ୍ରପତିଙ୍କ ଭ୍ରମଣ ସମୟରେ କୌଣସି ପର୍ଯ୍ୟଟକଙ୍କୁ ସମୁଦ୍ର କୂଳ ଯିବାକୁ ଅନୁମତି ମିଳିନଥିଲା । ଏଥିସହ ସୁରକ୍ଷା ବ୍ୟବସ୍ଥା କଡାକଡି କରାଯାଇଥିଲା ।
ରାଷ୍ଟ୍ରପତି ପୁରୀ ବେଳାଭୂମିରେ ପ୍ରାତଃ ଭ୍ରମଣ ପରେ କହିଛନ୍ତି ଯେ, ଜଗା ଦର୍ଶନ କରିବା ପରେ ମୋତେ ଅନେକ ଶାନ୍ତି ମିଳିଛି । ଆଜି ପୁଣି ସମୁଦ୍ର କୂଳରେ ଭ୍ରମଣ କରିବା ସମୟରେ ସୁଲୁସୁଲିଆ ପବନ ଏବଂ ସମୁଦ୍ରର ଗର୍ଜନରେ ବହୁତ ଆନନ୍ଦିତ ହୋଇଛି । କିଛି ଏପରି ସ୍ଥାନ ରହିଛି ଯାହା ମାନସିକ ଶାନ୍ତି ସହ ଏକ ରୋମାଞ୍ଚକର ଆନନ୍ଦ ଦିଏ । ଯାହା ଆଜି ମୋତେ ସମୁଦ୍ର କୂଳରେ ପ୍ରାତଃ ଭ୍ରମଣ ସମୟରେ ମିଳିଛି ।
