ମୁମ୍ବାଇ : ବଲିଉଡର ଲୋକପ୍ରିୟ ଗାୟିକା ଅସିସ୍ କୌର ବିବାହ କରିଛନ୍ତି । ମ୍ୟୁଜିକ କମ୍ପୋଜର ଗୋଲ୍ଡୀ ସୋହେଲଙ୍କ ସହିତ ବିବାହ କରିଛନ୍ତି ଅସିସ । ଦୁଇ ପରିବାର ଲୋକଙ୍କ ଉପସ୍ଥିତିରେ ବିବାହ କରିଛନ୍ତି ଉଭୟେ । ଅସିସ ଗତକାଲି ପ୍ରେମିକ ଗୋଲ୍ଡୀ ସୋହେଲଙ୍କ ସହିତ ଗୁରୁଦ୍ବାରାରେ ବିବାହ କରିଛନ୍ତି । ବିବାହ ଉତ୍ସବରେ କେବଳ ପରିବାର ଲୋକେ ଏବଂ କିଛି ଅନ୍ତରଙ୍ଗ ବନ୍ଧୁ ସାମିଲ ଥିଲେ ।
ବିବାହରେ ଅସିସ୍ ବ୍ଲସ୍ ପିଙ୍କ କଲରର ଜରି ୱାର୍କର ସାଲୱାଲ ସୁଟ୍ ପିନ୍ଧିଥିଲେ । ସୁଟ୍ ସହିତ ଗୋଟା ୱାର୍କର ଦୁପଟା ମ୍ୟାଚ୍ କରିଥିଲେ । ଏହାସହିତ ହୀରାର ହାର ପିନ୍ଧିଥିଲେ । ଏମିତି ସୁଟରେ ବହୁତ ସୁନ୍ଦର ଦେଖାଯାଉଥିଲେ ଅସିସ । ସେହିପରି ଗୋଲ୍ଡୀ ବ୍ଲସ୍ ପିଙ୍କ କଲରର ଶେରୱାନୀ ପିନ୍ଧିଥିଲେ । ଡ୍ରେସରେ ଦୁଇଜଣ ବହୁତ ସୁନ୍ଦର ଦେଖାଯାଉଥିଲେ ।
ବିବାହ ସାରିବା ପରେ ଦୁହେଁ ଅମୃତସରର ସ୍ବର୍ଣ୍ଣ ମନ୍ଦିରକୁ ଯାଇଥିଲେ । ବିବାହ ବେଳର ଫଟୋ ସୋସିଆଲ ମିଡିଆରେ ଭାଇରଲ ହେଉଛି । ଦୁହିଁଙ୍କ ବିବାହ ଦେଖି ଫ୍ୟାନ୍ସ ବହୁତ ଖୁସି ହୋଇଯାଇଛନ୍ତି । ଅସିସ ଗୀତ ‘ରାତା ଲମ୍ବିୟାଁ, ଦିଲବର, ଆଖ ଲଡ ଜାଭେ’ ଭଳି ଗୀତ ଗାଇଛନ୍ତି ।
